وجه وائل القبانى لاعب الزمالك السابق، رسالة إلى إلى اللاعب أحمد السيد زيزو بعد حالة الجدل الأخيرة، ما بين الاستمرار في فريق الزمالك أو الرحيل.

وقال القباني فى تصريحات تلفزيونية: "الرموز بتبقى اتربت في النادي، زيزو مش متربي في النادي، ده الناس اللي بتحبه بس في ناس تانية بتشتغل وتأدي دورها صح".

وأكمل: "زيزو أحسن لاعب في مصر، لكن الرمز من وهو عنده 10 سنين لحد ما أنهى فترته، زي حسن شحاتة، فاروق جعفر، وحازم إمام".

وتابع: "دي ناس متربية وعلمت، وهتقولي زيزو مش معلم، لا معلم في نادي الزمالك لكن مش متربي في النادي. ده مش رمز، ده لاعب جامد جدًا في نادي الزمالك قعد 5 سنين، من وجهة نظري، لو احنا اعتمدنا على لاعب يبقى النادي راح في داهية، تعرف تجيب زيه لأن أنت جبته"

وزاد: "لكن هنا في ظروف هي الناس ليه قلقانة؟ قلقانة إنه يروح النادي الأهلي مش إنه يمشي زي ما اتعمل في موضوع إمام عاشور"