اعتذر مؤدى المهرجانات حسن شاكوش للشعب التونسي.

وقال حسن شاكوش: مساء الخير علينا وعليكم وعلى شعب تونس الكريم، أنا بعمل الفيديو ده بناء على اللايف اللي صدر مني الأيام اللي فاتت واتقال اني بجرح في الشعب التونسي، أنا مقدرش أجرح في الشعب التونسي دول أهلي وناسي ومعروف تونس الخضراء والفن الجميل.

وأضاف: وأصحابي التوانسة المقربين ليا عارفين حسن بيحب تونس قد إيه، وأول ما بيقولوا ليا في حفلة في تونس باخد شنطتي وبجري، لأني أنا بحب البلد دي، ويا ريت محدش يكون فهمني غلط من الفيديو اللي فات وأني بسيئ للشعب التونسي، لأني مقدرش أعمل كده لأن دي بلدي التانية.

وتابع: وأنا بعتذر للشعب التونسي بالكامل، ومقدرش أجرح في أي حد فيكم سواء كبير أو صغير وأنتم عارفين حسن بيحبكم قد إيه، ويا ريت تقبلوا اعتذاري، وأول زيارة هتكون لتونس وهنعمل لكم حفلات وهنكسر لكم الدنيا في التونس بأقوى حفلة، ويا ريت محدش يزعل مني بسبب الفيديو وبعتذر لكم كلكم.

أصدر الفنان مصطفي كامل، قرارا بوقف الفنان حسن شاكوش، عن الغناء لحين التحقيق معه فى نقابة الموسيقيين، على الرغم من تقديمها حفلا غنائيا معًا في الأيام الماضية بالساحل الشمالي.