EN
أشاد الإعلامي أحمد موسى، بمتابعة الفريق كامل الوزير نائب رئيس الوزراء للتنمية الصناعية مشاكل المستثمرين والمصنعين وحلها.
وقال الإعلامي أحمد موسى، خلال تقديمه برنامج "على مسئوليتي"، المُذاع عبر فضائية " صدى البلد"، إن الفريق كامل الوزير قام بحل مشاكل نحو 73 مصنع في اجتماع اليوم الذي استمر لمدة 5 ساعات فقط، معقبًا: «كامل الوزير لديه القرار والشجاعة لحل جميع مشكلات المصنعين».
وتابع الإعلامي أحمد موسى: «ضيعنا وقت طويل في موضوع الصناعة، ومحدش يزعل من كلامي، إن فيه حلول تتم في هذا الاجتماع لمشاكل بقالها أكتر من 15 سنة، يبقى إحنا كنا في أزمة كبيرة فعلا».
وأردف أحمد موسى: «محدش كان بيقعد مع المصنعين والمستثمرين قبل كدة، ومكنش حد بيسمع حد، ده فيهم واحد جاي من المنيا عشان إمضاء بسيطة عشان يشغل مصنعه المتوقف بقاله كام سنة ومحدش كان راضي يحل ليه مشكلته».
ووجه الإعلامي أحمد موسى، رسالة عتاب إلى المسؤولين السابقين الذين لم يسعوا لحل مشاكل المصنعين والمستثمرين، قائلاً: «ليه ظلمتوا الناس دي، ده كل ده عبارة عن فلوس برا وجوا البلد، كل ده إنتاج ضايع، ليه كنا بنعطل مصالح البشر بالشكل ده! دول ناس عايزين يشتغلوا في بلدهم ويخدموها».
واختتم أحمد موسى: شعركم هيقف، لإن المشكلات دي كلها كانت أمور سهلة وبسيطة أوي، وكان ممكن أي حد يحلها، دي مكنتش تستاهل يتم تعطيلها السنين اللي فاتت دي، ولكن مفيش إرادة».
