EN
علق نادر حامد شقيق الباحثة ريم حامد على واقعة وفاة شقيقته في فرنسا، والتي أثارت جدلا واسعا خلال الساعات الماضية غير منصات التواصل الاجتماعي فيس بوك.
وكتب نادر حامد شقيق الباحثة ريم حامد، «السلام عليكم يا جماعة.. أنا نادر أخو ريم حامد... بعد اذنكم محدش يتكلم عن أي تفاصيل ليها علاقة بالوفاة لإنه مفيش أي حاجة مؤكدة و لا أي دليل جنائى لحد دلوقتي.. الكلام المكتوب قد يضر بحق ريم».
وتابع عبر حسابه الشخصي على موقع التواصل الاجتماعي فيسبوك، «من فضلكم نركز بس اننا ندعيلها و نقرأ ليها قرآن و ندعي لوالدتها عشان حالتها صعبة جدا.. أتمني ان الناس لو فعلا مهتمين بريم اننا نبطل نتكلم عن اشياء غير مؤكده وقضية قيد التحقيق و نبطل نشير البوستات القديمة بتاعتها و رسايلها، من فضلكم نحترم خصوصية ريم أختي و احنا متابعين مع محامي هناك و الشرطة الحمدلله و أول ما نوصل لأي حاجة انا هبلغكم كلكم أكيد و ده حسابي وهيبقي المصدر الوحيد لأي حاجة تخص ريم أختي».
وفاة الباحثة ريم حامد
وتداول رواد السوشيال ميديا مجموعة من المنشورات التي كتبتها الدكتورة ريم حامد قبل وفاتها، وعلق أحد المتابعين الدكتورة ريم حامد عالمة وطالبة دكتوراه في مجال البايوتكنولوجي، اتوفت النهاردة للأسف ولا يوجد أي دليل جنائي عن سبب الوفاة ، ويقال أن تم إغتيالها في فرنسا ، ومن كام أسبوع نزلت الدكتورة ريم البوستات دي و اتمسحت تماماً ، بتحكي فيها أنها اتعرضت للمراقبة وأن بيتم نشر مواد داخل شقتها تعمل علي رفع نبضات القلب».
وكانت نشرت أيضا، «في أوقات كتير بنتهز بيحصل لخبطة مش مفهومة بنسأل بس مافيش حاجة كافيه ولا مريحة… مافيش حل لأني حقيقة معرفش بكتب ده إيه بس لو الواحد قرب لنقطة زي ديه أعتقد لو السؤال عن القيم والأساسيات طلع واحد يبقي تمام وهو لسه بخير والأمر مجرد وقت صعب وتقيل وان أقداره انه يمر بيه بصرف النظر عن السبب أو العوامل أو دوشه مالهاش لزمه كل الأمر شويه هدوء وإيمان وربنا كريم» واعتبر المتابعين انها كانت تعاني من بعض الأزمات قبل وفاتها.
ونعى رواد السوشيال ميديا ريم حامد، «ينعي فريق اعرف بايوتكتولوجي الباحثة ريم حامد حاصلة على درجة بكلوريوس بايوتكنولوجي جامعة القاهرة حاصلة على ماجستير في علم الجينوم بجامعة باريس ساكلاي
كانت تجري أبحاثها للحصول على درجة الدكتوراه بجامعة باريس ساكلاي، مازالت التحقيقات جارية لوجود شبهة جنائية لقتل أو اغتيال متعمد ندعوا الله أن يلهم أهلها وذويها بالصبر و السلوان و أن يرد الله حقها بالدنيا و الاخرة».
