اصدرت محكمة القضاء الإداري بـ مجلس الدولة، اليوم، قرارها بتأجيل نظر الدعوى التي تطالب بوقف وسحب ترخيص فيلم الملحد، لجلسة 24 سبتمبر المقبل لتقديم المستندات.

كان المخرج ماندو العدل، نشر تعليقًا عبر صفحته الرسمية بموقع التواصل الاجتماعي فيسبوك يكشف فيها بعض تفاصيل أزمة فيلم “الملحد” وسر منعه من العرض رغم الحصول على كافة الموافقات والتصاريح.

وقال “ماندو” العدل: بعتذر لكل أصدقائي اللي عزمتهم علي العرض الخاص لفيلم الملحد .. العرض مش هيتعمل في ميعاده.. والفيلم مش هينزل في ميعاده.. والحقيقة معرفش ليه.. الإجابة عند السيد الرقيب علي المصنفات الفنية.. الفيلم جاهز للعرض.. وانتهت جميع مراحله من مونتاج ومكساج وتصحيح الوان والرقابة اديتله ترخيص بالعرض بعد شهور من المشاهدات.. بل وصل الأمر إني نزلت صورة مشهد مضاف والمنتج احمد السبكي صرف كتير علي دعاية الفيلم في الشوارع بناء علي هذا الترخيص.. ورجع شال الدعاية تاني للأسف ودي خسارة فادحة وده ينفي تمامًا الهراء بتاع اصل الصناع بيعملوا دعاية رخيصة للفيلم.. ومرفق مع البوست صورة الترخيص وصورة إجازة الرقابة للسيناريو.. اللي لأول مرة الرقابة تكتب في الورقة الأخيرة للسيناريو ما يشبه الشكر والتوضيح.. وده نص ما كتب علي الورقة الأخيرة.