واجهت الإعلامية نهال طايل، ضيفتها، المعلمة أميرة حندقة، بالانتقادات التي تواجهها من البعض الذين يصفونها بالجهل، خلال حلقة مثيرة من برنامجها "تفاصيل" على قناة "صدى البلد 2"، وقالت طايل لأميرة: “الناس بتقول عليكي كلام وحش.. بيقولوا أنتي جاهلة”.

وردت أميرة حندقة، مؤكدة أنها غير مكترثة بما يقوله الناس عنها، قائلة: “اللي يقول يقول، ما بيهمنيش كلام حد.. واللي يقول؛ يجي يقول في وشي، وخلي اللي يقول يقول من هنا لبكره، أولادي على دماغي، وبيقولوا أمنا شرف لأي حد، وعيالي دول هيتجوزوا من وش أمهم، الدنيا بحالها بتسترجلني، والرجالة بيقعدوا معايا ويتكلموا معايا”.

وفي محاولة لتهدئة الأجواء، علقت نهال طايل قائلة: "يا حبيبتي، في ستات كتير وستات جدعة أوي ولبسين لبسهم." إلا أن حندقة ردت بحزم: "احنا برضو بـ 100 راجل، بس احنا طلعنا لقينا نفسنا كدا، ومش هعرف أتغير، ده طبعي وما بحاولش أغير."

وأوضحت أميرة حندقة أنها تحب الفن وتطمح لدخول المجال الفني، لكنها تتمسك بقيمها، حيث قالت: “أنا آه بحب الفن وعايزة أدخل الفن بس بدوري، إنما أقلع الطرحة وأكون بشعري ومحزق وملزق، الكلام ده أنا ما بعملش كدا”.

نهال طايل تستفزها.. شاهد أميرة حندقة تربط العمة على الهواء

قدمت الإعلامية نهال طايل حلقة جديدة، باستضافتها لـ المعلمة أميرة حندقة.

وطالبت الإعلامية نهال طايل من المعلمة أميرة حندقة خلع العمة وربطها مرة أخرى على الهواء، معقبة: «مش هتعرفي تربطيها تاني لأن لفتها صعبة جدا ولازم مرايا»، مضيفة: «لفة العمة عند الفنانين صعبة جدا، والفنانين بتستعين بأشخاص متمكنين لربطها».

أميرة حندقة تربط العمة على الهواء

خلعت المعلمة أميرة حندقه العمة على الهواء وربطها مرة أخرى، قائلة: «محدش بيعملي العمة ولا حتى لفها.. وأنا اللي بعمل كل حاجة بنفسي.. وأبويا صاحب فضل عليا.. وأنا طالعة زي أبويا في كل حاجة».