قال رضا العزب نجم نادي الزمالك السابق ، في تصريحات تليفزيونية عبر شاشة النهار: «اللي بتعمله إدارة الزمالك ده تهريج، يعني ده كلام بدل ميشوفوا اللاعب بتاعهم ويساندوه يقوله مش هنوثق عقده».

وأضاف نجم الزمالك السابق: «لازم نراعي نفسية أحمد فتوح، زي ما عزيت أسرة الفقيد والشهيد، لازم بردو تساند اللاعب بتاعك واللي رصيد كبير عند الجمهور والنادي».

وأشار: «إدارة نادي الزمالك كانت بتترجى أحمد فتوح عشان يجددلهم، أفرض قرار المحكمة طلع كمان شهر مثلا، هل هيقدره يسبوه؟ طبعًا لا».

وواصل: «من المفترض لو حتى لا قدر الله صدر قرار ضد فتوح، نادي الزمالك يقف جنبه ويسانده، اللاعب ليه رصيد عند النادي، عشان كدة لازم ننتظر قرار المحكمة».