شارك الناقد الرياضي خالد طلعت منشوراً بشأن اللاعب باسم مرسي عبر صفحته على موقع التواصل الاجتماعي فيس بوك.

وكتب خالد طلعت: “باسم مرسي طالع بيقول لو الأهلي عرض عليا دلوقتي اني أروح مش هوافق !!!”.

باسم مرسي الموسم الماضي كله سجل هدف واحد وصنع هدف واحد.

باسم مرسي الموسم الحالي كله سجل هدف واحد ومصنعش ولا هدف.

باسم مرسي في آخر موسمين سجل هدفين بس وأخد 3 إنذارات، يعني بياخد إنذارات أكتر ما بيجب أهداف !!".

رد باسم مرسي لاعب الإسماعيلي الحالي والزمالك سابقا على كونه لاعب الموسم الواحد، مشددا على أنه أظهر تألقه في الزمالك على مدار 3 سنوات.

باسم مرسي مع الزمالك

قال باسم مرسي في بودكاست من الجول للجول مع الإعلامية دينا الإدريسي: “لعبت 4 سنين في الزمالك 3 منهم أنا هداف الزمالك في كل البطولات، ازاي أبقى لاعب موسم واحد بس؟ أنا جايب 53 جول مع الزمالك، وده رقم كبير، والسنة الرابعة بس هي السنة الوحيدة اللي أنا كنت وحش فيها بسبب الإصابة”.

وعن استفزاز جماهير الأهلي خلال فترة وجوده بالزمالك قال: “بعض جمهور الأهلي مبيحبنيش عشان أنا دايما بجيب فيهم أجوال محدش بيكره واحد فاشل ومحدش بيكره حد ملوش قيمة، بالبلدي كدة باسم ده بيعلم علينا على طول هو جمهور الأهلي كدة، جبت أجوال كتيرة فيه وجبت بطولات منه”.

واختتم: “لاعيبة الأهلي زيها زي أي لاعيبة والنادي الأهلي زي أي نادي، أنا مبعملش حساب لتيشيرت الأهلي، لاعيبة الأهلي عادية جدا، لكن تيشيرت الأهلي بيمنحه طاقة لكنه لاعب عادي جدا”.