نشر الإعلامي ابراهيم فايق تصريحات حسين الشحات بشأن حارس مرمى الأهلي محمد الشناوي عبر حسابه بموقع التواصل الاجتماعي فيسبوك.

و قال الشحات عبر تصريحات تليفزيونية على إم بي سي مصر 2: الشناوي أخويا الكبير وبحبه جدا، ودايما كان بيسبنا نهزر لكن كان بيقولنا أهم حاجة الدنيا متفكش مننا.

على الجانب الآخر علّق نجم الأهلي حسين الشحات على أزمته مع نجم بيراميدز محمد الشيبي عبر تصريحات تليفزيونية مع الإعلامي إبراهيم فايق.

وقال حسين الشحات على إم بي سي مصر 2: بتمني ربنا يسامحني على الموقف اللي عملته في موقف محمد الشيبي، اللي عاوز أوصله للناس إن أنا مبشتمش، مش علشان موقف كل شوية تقولولي انت بتشتم، أنا زعلان من نفسي بسبب الموقف وتوبت ودي حاجة بيني وبين ربنا أتمني يسامحني عليها.

وتابع: أنا فتحت بيتي لـ الشيبي ورضا سليم عارف الكلام دا وفي لاعيبة كبيرة وشخصيات كتيرة تدخلت لحل المشكلة ولكن هو مصمم على رأيه وهو حر، والموضوع دا مش بيشغلني ولا بيأثر عليا.

وأضاف: قعدت أسبوع أو 10 أيام مبنمش بسبب اللي عملته مع الشيبي، واعتذرت مرة واتنين وتلاتة له ولأهله وبعتذرله تاني دلوقتي.