علّق نجم الأهلي حسين الشحات على أزمته مع نجم بيراميدز محمد الشيبي عبر تصريحات تليفزيونية مع الإعلامي إبراهيم فايق.

وقال حسين الشحات على إم بي سي مصر 2: بتمني ربنا يسامحني على الموقف اللي عملته في موقف محمد الشيبي، اللي عاوز أوصله للناس إن أنا مبشتمش، مش علشان موقف كل شوية تقولولي انت بتشتم، أنا زعلان من نفسي بسبب الموقف وتوبت ودي حاجة بيني وبين ربنا أتمني يسامحني عليها.

وتابع: أنا فتحت بيتي لـ الشيبي ورضا سليم عارف الكلام دا وفي لاعيبة كبيرة وشخصيات كتيرة تدخلت لحل المشكلة ولكن هو مصمم على رأيه وهو حر، والموضوع دا مش بيشغلني ولا بيأثر عليا.

وأضاف: قعدت أسبوع أو 10 أيام مبنمش بسبب اللي عملته مع الشيبي، واعتذرت مرة واتنين وتلاتة له ولأهله وبعتذرله تاني دلوقتي.

علي الجابب الآخر توج الفريق الأول لكرة القدم بالنادي الأهلي بدرع الدوري الممتاز في نسخته الحالية، بعد الفوز أمام سموحة بهدف دون رد، في اللقاء الذي أقيم على استاد برج العرب في الإسكندرية، ضمن المباريات المؤجلة من الجولة الـ24.

وسجّل هدف الأهلي محمد مجدي أفشة "صاحب القاضية" في الدقيقة السادسة من الوقت بدل الضائع من تمريرة رائعة عمر كمال، أحسن أفشة استغلالها وسجل هدفاً رائعاً، ليُعلن فوز الأهلي والتتويج ببطولة الدوري قبل 3 جولات من نهاية الدوري بالنسبة للمارد الأحمر.

بهذه النتيجة، رفع الأهلي رصيده إلى 79 نقطة بعدما لعب 31 مباراة حقق الفوز في 26 لقاء وتعادل في 3 مباريات وخسر مباراتين وسجل لاعبوه 71 هدفا وتلقت شباكه 24 هدفا.