EN
حصل موقع صدى البلد على نص اعترافات قاتل صديقه في الجيزة، في القضية التي حملت رقم 8584 لسنة 2024 جنايات قسم أوسيم، والمتهم فيها حسام صابر خليل باستدراج صديقه إلى منطقة زراعية في البراجيل بالقرب من محور الضبعة في الجيزة.
تحقيقات نيابة شمال الجيزة مع قاتل صديقه في البراجيل
س: ما هو موطن نشأتك تحديداً ؟
انا مواليد ۲۰۰۱ ومولود وساكن في قرية البراجيل مركز أوسيم مع أبويا وأمي ودي البلد اللي أتولد فيها
س: ومع من تقطن تحديدا؟
انا قاعد في بيت العائلة مع ابويا وامي واخواتي عددهم ثلاثة منهم أخ واحد من الاب والانتين التانين
س: وما هي ظروف نشأتك الاجتماعية تحديداً ؟
انا أتولت واتعلمت في مدرسة حكومة اسمها أوسيم المشتركة وبعد كده كملت تعليم و حدث دبلوم تجاره وبعد كده وقفت تعليم ودخلت الجيش وخلصت وبعد كده اشتغلت صناعي في كذا مكان
اعترافات قاتل صديقه في الجيزة
س: وما هي طبيعة عملك تحديداً ؟
أنا شغال عامل في مغسلة سيارات مع سيد بريك قبل ما يموت
س: وما هي مؤهلاتك العلمية تحديداً ؟
انا معايا دبلوم تجاره
س: وما هو قيمة الاجر الذي تستحصل عليه شهرياً نظير عملك بذلك الماكن ألف الوصف والبيان؟
اليوم كنت باخد من سيد ۱۵۰ جنيه و الأسبوع بتاعي بيكون ٦ أيام في الشغل وساعات كنت بحتاج منه أي فلوس في نص الأسبوع كنت باخدها منه عالطول وبعد كده بخصم
س: وما هي متطلباتك المعشية؟
انا بصرف علي سجايري وأكلي وشرب ويشتري كروت شحن لغايت ما خطيت رحاب
س: وكيف تغطي متطلباتك المعيشية تحديداً ؟
لما كنت بقبض من الشغل في المغسلة اللي شغال فيها وساعات كنت باحد
نص أقوال قاتل صديقه في الجيزة
س: وهل كان المجني عليه سيد بريك حسين بريك يستجيب لمطبك تحديدا؟
أيوة كان بيديني فليس لما أطلب وكان كده كده بيخصمها من فلوس شغلي معاه
س: ما هي حالتك الاجتماعية تحديدا؟
أنا كنت خاطب واحده عندنا من البلد
س: ومن هي تحديدا؟
إسمها رحاب رشدي عبد العاطي
س: ما صلتك بسالفة الذكر تحديدا؟
كنت خاطبها والبلد كلها عارفه بس هيا اللي فسخت الخطوبه
س: وهل تعاني من ثمة أمراض نفسية أو عصبية؟
لا مش بعاني من حاجه وشغال زي الفل ومكنش في حاجه عندي غير المشكلة بتاعتي أنا واللي كنت خطيبها
س: وهل تتعاطى لمة مواد مخدرة أو مسكرة؟
لا مبشربش اي حاجة الحمد لله
س: ما صلتك بالمجني عليه سيد بريك حسين بريك تحديدا؟
ده صاحب المغسلة اللي أنا كنت شغال فيها معاه
س: ومنذ مني تحديداً تعمل برفقة المجني عليه سالف الذكر ؟
حوالي من ٤٠ يوم كذا أسبوع أشتغلت معاد لغايت ما مات للأسف ومكنش في نيتي خالص انه يموت
تفاصيل اعترافات قاتل صديقه في الجيزة
س: ما تفصيلات إقرارك ؟
أنا هحكي لحضرتك من الأول خالص اللي حصل بالظبط أني كنت خاطب واحده اسمها رحاب رشدي من ٣ شهور بداية شهر ۱۲ اللي فات ده عالطول والعلاقة ما بينا كانت كويسه جداً لغايت ما شهر ۲ اللي فات أبتدي لقيت تصرفاتها معايا أتغيرت وطريقتها ما بقتش حلوة خالص وتكدب عليا في حاجات كتير، وساعات أقولها أروح معاكي في أي مكان ترفض مش زي الاول معايا وابتديت الشغل مع سيد بريك في المغسلة قعدت معاه في فرح واحد من فتره كبيرة لغايت ما سيد بريك قالي تشتغل معايا في المغسلة.
قولتله تمام أنا هشتغل معاك وفعلا ابتديت الشغل وأنا كنت خاطب وكنت بحكيله كل حاجه عني انا ورحاب رشدي لما يكون ما بينا مشكلة، لغايت الأسبوع اللي فات لما ابتدا قبل شهر ، عالطول لقيت سيد بريك صاحب المغسلة بيقولي رحاب خطيبتك رافعه بوست علي الفيس بوك بتقول فيه ( تم بحمد لله فشكلة خطوبتي أنا أستغربت جدا من طريقته معايا وقتها، وبعد لقيته يوم السبت الموافق ٢٠٢٤/٣/٢ واحنا الصبح ليه كنا فاتحين المغسلة علشان تبدأ شغل، لقيته بيقولي أنا رايح مع رحاب رشدي مشوار علشان هيا أتصلت عليه انا استغربت وقتها من اللي بيقولهولي وبعدين أيه علاقته برحاب بالظبط لغايت ما لقيته رجع علي أذان العصر في نفس اليوم.
فقولتله عملت أيه مع رحاب بالظبط قالي أنا كنت معاها في كذا مشوار وبعد كده خلصنا المشواير وروحتها البيت وأنا سكت ما ردتيش أرد عليه لغايت ما اليوم خلص وقفلنا المغسلة مع بعض بليل متأخر بعد الساعة العاشرة مساء، فقولتله أنا عايزك في موضوع مهم نتكلم فيه قالي نوصل محمد بشير الأول وبعدين تتكلم في اللي أنت عايزه وفعلا ركبنا المكنه بتاعتي بس سيد بريك هو اللي ساق المكنه، وأنا ركبت من ورا سيد ،عالطول ومحمد بشير ركب ورايا ووصلنا لبيته في قرية البراجيل بس أنا عارف أسم الشارع بتاعه وبعدها وأحنا راجعين قولتله أنت إزاي بتكلم رحاب رشدي اللي في الأصل خطيبتي مش المفروض نستني لغايت ما تنهي الموضوع ده وبعدين تتكلم معاها رد عليا بالظبط قالي بقولك إيه اللي بينكم وبين بعضيكم أنا مليش دخل فيه واللي أعمله ميخصكش يا حسام رديت عليه وقولتله إزاي يعني مش في بينا عيش وملح، لقيته ببرد عليا ويقولي الملح داب والعيش كلته الكلاب فقولتله ده إزاي ده ياريس.
