EN
نشر كريم فؤاد بوست له عبر حسابه علي موقع تبادل الصور والفيديوهات "انستجرام " يعلن فيه عن إصابته بالرباط الصليبي للمرة الثانية .
وكتب معلقاً على الصور كل خسارة دُونَ الجنة ، فهي دُون ، اللهم لك الحمد كما ينبغي لجلال وجهك وعظيم سلطانك ، الدنيا دار ابتلاء وشقاء ودايماً الابتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها.
وأضاف: “ودا بيكون اختبار ليك هتعمل ايه في الموقف دا ، وإن الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمة أوي مقابل إني اصبر على الابتلاء دا”.
وأوضح وانا كان مكتوب لي إصابة في الرباط الصليبي للمرة الثانية ، بس عندي احساس تاني خالص مع الاختبار دا ، انه انا في نعمة كبيرة اوي وان الحمدلله ربنا رزقني باختبار سهل وهين أوي مقابل ابتلاءات ناس تانيه اصعب من دا بكتير ، وكمان إختبار مش جديد عليا بَعيده للمرة الثانية في وقت قصير ف هعرف اتعامل معاه بشكل كويس ويمكن احسن .
واستكمل : "عشان كدا بحمد ربنا ان الابتلاء اللي هاخد عليه أجر كبير وعظيم مش بالصعوبة القاسية اللي توجعني وتهدّني ".
وختم " انا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء ، الحمدلله مستعد للاختبار ومتحمس شوية وقت وهنرجع نحارب من تاني وأشوفكم على خير قريب ".
