EN
كشف حسن كمال رئيس اللجنة الطبية بالبعثة المصرية للمشاركة في أولمبياد باريس 2024، موقف البطلين أحمد الجندي وسارة سمير من حمل علم مصر في افتتاح الأاولمبياد، على الرغم من إمكانية اعتذارهما لأسباب عديدة.
وكتب كمال عبر حسابه الرسمي على موقع التواصل الاجتماعي فيس بوك : " عن جمال الذهب و الفضة :" أحمد الجندي لما أتبلغ انه هيشيل العلم في الافتتاح كان في معسكر في دولة تانية.. جه شال العلم في طابور العرض وسافر تاني الصبح لمعسكره علشان يكمل .. كان ممكن يعتذر عن الحضور أو يقول خلاص بقى فاضل كام يوم نكمل في فرنسا .. لكن دي الحقيقة عقلية وشخصية البطل .. وفي نفس الوقت احترامه لبلده وتقديره لرفع علمها".
وأضاف: "سارة سمير اتصابت في رسغ إيدها قبل اللعب بخمسة أيام ، جت على عيادة البعثة وأول كلمة قالتهالي لو سمحت يا دكتور ما تقولش للمدربين، سألتها عن السبب فقالت بالحرف، بيقلقوا عليا جامد وأنا مش عاوزاهم يقلقوا، قلتلها طيب وأنتي مش قلقانة، قالتلي لأ ،انت بس قلي عادي وأنا هاشيل،وشالت.
وأشار "أحمد كان ممكن يعتذر عن طابور العرض وكان الكل هيقدر.. وسارة كان ممكن تعلن إصابتها احتياطي علشان يبقى في عذر أو تعاطف، لكن الأبطال والناس زي الميداليات كده ، معادن وهما الاتنين دهب خالص ".
وأتم " مبروك يا شباب" .
