EN
وصل قبل قليل مطرب المهرجانات عصام صاصا الي مقر محكمة جنوب القاهرة بزينهم، لنظر ثاني جلسات قضية حادث الطريق الدائري وتعاطي المواد المخدرة، حيث تنظر المحكمة جلسة المحاكمة بعد القبض على “صاصا” في مطار القاهرة أثناء عودته من الإمارات.
أقوال عصام صاصا في قضية حادث الدائري
وقال عصام صاصا خلال التحقيقات معه في قضية حادث الطريق الدائري وتعاطي المواد المخدرة، إنه لم يقصد قتـ ـل المجني عليه أحمد مفتاح بسبب رعونته وعدم اتباعه قواعد وقوانين المرور أثناء قيادته سيارته على الطريق الدائري منكرًا قيادته بسرعة مُرتفعة.
وقال عصام صاصا، اللي حصل أنا كنت شغال في المعادي في مكان وخلصت شغل واتحركت على الساعة 4.30 الصبح وأنا ماشي على الدائري مروح البيت وعند بنزينة موبيل اللي قبل طالعة وصلة المريوطية كان في عربيتين على شمالي مش شايف منهم ولقيته مرة واحدة قدامي ومعرفتش أروح في أي حتة خبطته ولقيت الأزاز والكبوت في وشي وبعدها وقفت والناس اتلمت وعرفت انه مات.
وتابع عصام صاصا أن الحادث وقع بتاريخ 6 مايو 2024 الساعة 5.15 الصبح، وأنه كان يقود السيارة بمفرده، وأن تلك السيارة ملكه وقام بشرائها قبل الحادث بـ 5 أشهر، وأنه شاهد المجني عليه يعبر الطريق فجأة أمامه، أثناء قيادته السيارة على سرعة 70 كم/س مشيرا إلى أن الطريق لم يكن فيه سيارات كثيرة ولكن هناك عربية نقل وأخرى ملاكي بجواره.
وأكدت مصادر أمنية على أن عصام صاصا قام بالتوقيع على أمر إحالته في قضية التزوير، ثم تم ترحيله مرة أخرى إلى محبسه بمقر سجن الكيلو 10.5 في الجيزة، استعدادا لعرضه اليوم أمام محكمة جنايات الجيزة المنعقدة بمحكمة زينهم.
وصل مطرب المهرجانات عصام صاصا إلى البلاد قادما من الإمارات على متن رحلة إلى مطار القاهرة صباح أمس السبت وتم اصطحابه إلى نيابة جنوب الجيزة ومنها الي السجن المركزي في أكتوبر .
نشر مؤدي المهرجانات عصام صاصا ، عبر صفحته الرسمية على موقع التواصل الاجتماعي فيسبوك ، فيديو له من دبي ، وذلك بعد قرار نزوله الى مصر بسبب الملاحقة القضائية ضده بسبب دهس شاب على الطريق الدائري .
وقال عصام صاصا : أنا دلوقتي نازل بلدي وممكن يكون الفيديو ده أخر فيديو ليه، وعاوز أتكلم معاكم في حاجات مهمة، ممكن تجرى لي حاجة، وممكن أتاخد في المطار، أنا عاوز أفهم الناس ايه اللي حصل معي بالظبط علشان الناس مش فاهمة حاجة.
وتابع عصام صاصا: أنا كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين.
