تعليق مثير لـ سيد عبدالحفيظ عقب التتويج بالدوري: الأهلي بينافس نفسه

علق سيد عبدالحفيظ مدير الكرة بالنادي الأهلي السابق، على تتويج الأهلي بالدوري الـ44 في تاريخه، مشيرًا إلى أن المارد الأحمر ينافس نفسه.

وقال سيد عبدالحفيظ، في تصريحات تليفزيونية عبر برنامج «الكورة مع فايق» المذاع على قناة «إم بي سي مصر 2»: «جماهير الأهلي ثقافتها التفكير في بكرة وده شيء إيجابي جدًا وكويس جدًا، بس لازم ترسخ اللي فات ده وتأكده بالمعاني اللي فيه وتحتفل بالدوري».

وأضاف: «يكفي أن النادي الأهلي على مدار 5 أو 6 أرقام، هتلاقي الأهلي بينافس نفسه، أكبر سلسة انتصارات بـ 20 انتصارا متتاليا حققه كولر، اللي قبله 17 انتصارا متتاليا مع جوزيه».

وأشار: «الشيء المهم جدًا أنك لازم تبلور الاحتفال ده، وتحتفل مع الجمهور واللاعبين والجهاز الفني وأسرهم، كل دول ليهم دور وحق أنهم يحتفلوا في أرضية الملعب أو المباراة اللي بعدها، مش احتفالية بعد 3 شهور، ولكن نقدر نقول ده حرص على اللي فات».