EN
نشر مؤدي المهرجانات عصام صاصا ، عبر صفحته الرسمية على موقع التواصل الإجتماعي فيسبوك ، فيديو له من دبي ، وذلك بعد قرار نزوله الى مصر بسبب الملاحقة القضائية ضده بسبب دهس شاب على الطريق الدائري .
وقال عصام صاصا : أنا دلوقتي نازل بلدي وممكن يكون الفيديو ده أخر فيديو ليه، وعاوز أتكلم معاكم في حاجات مهمة، ممكن تجرى لي حاجة، وممكن أتاخد في المطار، أنا عاوز أفهم الناس ايه اللي حصل معي بالظبط علشان الناس مش فاهمة حاجة.
وتابع عصام صاصا: أنا كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين.
وأستكمل عصام صاصا حديثه : ربنا يعلم أنا كنت حاسس بأيه وقتها، والناس قالت عليه أني بدوس على الناس بفلوسي، أنا والدي متوفي من وعندي سنة وعشت عمري كله مع والدتي وعشنا أيام تحت خط الفقر، أنا ربنا كرمني من سنتين تلاتة، ومكنتش حابب أرد، لكن أنا ممكن أنزل متشفونيش تاني.
وأختتم عصام صاصا : أنا لبست قواضي وحوارات وأنا أغلب من أني أعمل أي حاجة في الدنيا، أنا محتاج دعمكم جدا وتدعو لي وتقفوا معي ولو كنت سبب في يوم من الأيام أني أفرح أي حد أنه يدعيلي، وأنا راضي بقضاء ربنا وواثق في القضاء المصري وأنه مش هيظلم حد ولا هيجي على حد، وأنا أقل خلق الله وعمري ماهدوس على الناس بفلوسي ولا حيلتي الفلوس اللي تخليني أعمل كده.
