EN
تداول رواد السوشيال ميديا منشور لشاب يدعى عمر أشرف، يطلب من المتابعين الدعاء لزوجته يسر مجدي بالشفاء من مرض السرطان والذي انتشر في جسدها بالكامل.
وكتب عمر عبر حسابه الشخصي على موقع التواصل الاجتماعي فيسبوك، «النهاردة يوم حزين جدا علي بيتي، مراتي وحبيبتي وصاحبتي، واكتر شخص محارب انا قابلتة في حياتي، كانت بتحارب وبتقاوم في سرطان الرئة من السنة الفاتت، وفعلا لحد فترة قريبة جدا كانت بتتحسن والورم حجمة بيصغر، لكن مش هنقول إلا لن يصيبنا إلا ما كتب الله لنا، النهاردة اكتشفنا ان المرض مش بس رجع يكبر في الرئة تاني».
وتابع: «دا انتشر في عضمها وفي الغدد والله اعلم بالمخ، بكتب البوست دا عشان هي داخلة عمليات بكرة ومحتاجة الدعاء جدا عشان مفيش حاجة بإدينا فعلا الا الدعاء».
وعلق رواد السوشيال ميديا على المنشور، «يا الله .. ربنا يشفيها يارب و يعافيها و تقوملكوا بالف سلامة و ميحرمكوش منها ابدا و تكون محنة و اختبار و يعدي بامره و فضله و كرمه الواسع، ربنا يشفيها يارب ويعفي عنها وتقوم بالف سلامه يارب يارب يارب ويخليها لك ولابنتها ياالله يا كريم يا مجيب الداعي اذا دعاك تشفيها يااااارب».
