محدش ييأس.. كزبرة يستعيد ذكريات مجموعه في الثانوية العامة

نشر النجم "كزبرة" استوري له يعبر فيه عن ذكرياته في الثانوية العامة تزامناً مع ظهور نتيجة الثانوية العامة هذا العام.

وعلق : “ انهارده يوم بيفكرني بأصعب أيام حياتي، زي انهارده انا كنت جايب ٦٧ ٪؜ في الثانوية العامة و ساعتها المجموع ده مكنش أحسن حاجة وقولت الحمدلله”.

وأضاف :" وساعتها قولت أنا هفضل مركز في الحاجة إللي بحبها ومحدش كان مصدقني وأقرب الناس ليا ودعيت ربنا انه يكرمني وميأستش".

وأشار: " والحمدلله وصلت لحلمي السنة دي، بعد سنين وانتقادات توصل الواحد انه ينتحر فحابب أقولكم إن الدنيا حلوة وربنا أكيد له حكمة في إللي بيحصل وبيدي كل واحد علي قد تعبه، فمحدش ييأس والدنيا مش بتوقف وتقدر تثبت لنفسك ولكل إللي حواليك إنك تقدر تنجح وربنا يكرم الجميع".

وختم :" وبالنسبة للناس إللي نجحت وجابت المجموع إللي نفسها فيه مبروك وربنا يكتب للجميع الخير والنجاح الدايم".