وجّه عبد اللطيف منيع، لاعب المنتخب الوطني للمصارعة، رسالة بعد خسارته الميدالية البرونزية خلال مشاركته في منافسات وزن 130 كجم أمام منافسه الصيني مينج بنتيجة 5-2، بدورة الألعاب الأولمبية باريس 2024.

وقال عبد اللطيف منيع عبر لايف نشره عبر فيسبوك: “قدر الله و ماشاء فعل ، الحمد لله وأنا راضي، وعايز أشكر كل الناس اللي وقفوا جمبنا ودعمونا وللأسف معرفناش نشرفهم، وبالنسبة للتحامل علي مدربي فأنا حابب أرد وأشكر كابتن ياسر صقر لأنه وقف معايا ودعمني وأنا مش مصنف عالميًا، وكل الشكر والتقدرير لكل اللي دعمني ولكنها مش مكتوبة وأكيد خير”.

وتابع: "مفيش تقصير من أي جهة ولكن التقصير مني أنا في الماتش الأخير ودي مش خطة المدرب لأن الخطة اتنفذت لحد الجولة الأولي فقط ، وبلاش تصطادوا في المية العكرة عيب، وكل واحد يحترم نفسه، ومازالت هدافع عن مدربي وهحبة حتي لو مفيش بيننا شغل تاني".

وخسر عبد اللطيف منيع، لاعب المنتخب الوطني للمصارعة، الميدالية البرونزية خلال مشاركته في منافسات وزن 130 كجم أمام منافسه الصيني مينج بنتيجة 5-2، بدورة الألعاب الأولمبية باريس 2024، المقامة حاليا في العاصمة الفرنسية باريس وتستمر حتى يوم 11 أغسطس الحالى.

وخلال اللقاء تعرض منيع للإصابة في حاجبه الأيسر على أثره نزف الدماء كثيرًا مما أدى إلى تعرضه لحالة من التعب الشديد أثناء استكماله المباراة.

وكان عبد اللطيف منيع قد فاز في دور الـ16 على بطل منتخب تركيا، قبل أن يخسر في دور الـ8 أمام بطل منتخب تشيلي، ليتأهل للمنافسة على الميدالية البرونزية في دور الترضية.

وفي أولى مواجهاته بدور الترضية حقق عبد اللطيف منيع الفوز على بطل بلغاريا بنتيجة (5-4)، ليحجز لنفسه موعدا مع بطل منتخب الصين على الميدالية البرونزية.