هنأ الإعلامي أحمد موسى، طلاب وطالبات الثانوية العامة 2024، بعد إعلان نتائج الشهادة الثانوية رسميًا اليوم، قائلاً: «مبروك ليكم كلكم».

وأضاف أحمد موسى خلال تقديم برنامج «على مسئوليتي» المذاع على قناة صدى البلد، «زمان كانت النتائج تعلن في الراديو، وكان الراديو يشتغل من الساعة 6 الصبح ويستنى يسمع اسمه ورقمه عشان النتيجة، وكان بيبقى يوم مبهج جدًا».

وتابع الإعلامي أحمد موسى: ناظر مدرسة الثانوية العسكرية على أيامنا كان عامل شغل كبير، والإبرة كانت لما تقع على الأرض كانت ترن من شدة الانتباه والانضباط في طابور الصباح.

وأردف: الدروس الخصوصية كانت موجودة، مش هقول إنها مكنتش موجودة يعني، والناس كلها كانت عارفة بعض والجميع يعلم ظروف الآخرين، فالأجواء كانت جميلة وكل بيوت مصر كانت بتنستنى النتيجة في الراديو مع بعض.

واستكمل أحمد موسى: مصر كلها كانت بتتفرج على نتيجة الثانوية العامة مساء أمس، وبقينا سامعين الزغاريد والفرحة في البيوت والشوارع، موجهًا رسالة إلى أولياء أمور الطلاب قائلاً: «كل الشكر والتقدير لكل أب وكل أم وفر كل الأجواء المتاحة لأبناءهم الطلاب خلال فترة الدراسة».

ووجه الإعلامي أحمد موسى رسالة إلى طلاب الثانوية العامة، قائلاً: روحوا لكليات الجيل الرابع، كليات التكنولوجيا، والكليات اللي فيها الذكاء الاصطناعي، دي اللي فيها المستقبل، لإن الطلب على الوظائف في المجالات دي بقى كبير جدًا وبمرتبات مجزية وفي شركات كبرى.