EN
روت الفنانة برنسة عبد الغني، تفاصيل معاناتها المادية بعد إصابة قدمها التي أقعدتها عن العمل، في ظل احتياجاتها للنفقات والعلاج بشكل دائم.
قالت برنسة عبد الغني، في تصريحات لموقع صدى البلد الإخباري: «أنا لا اتقاضى معاش من نقابة المهن التمثيلية وأهلي بيصرفوا عليا مع مساعدات ولاد الحلال.. لكن النقيب الفنان أشرف زكي مرة بعتلي 500 جنيه ومرة بعتلي ألف كمساعدة».
مديونة للصيدلي
وتابعت برنسة عبد الغني: «أنا بمشي على عكاز في البيت لأني واقعة على رجلي وباخد علاج وأنا امبارح دفعت 500 جنيه للصيدلي وعليا 250 جنيه.. لكن الحمد لله نحمده ونشكر فضله».
مساعدات النجوم
أردفت برنسة عبد الغني: «الأستاذة وفاء عامر مرة تبعتلي ألف أو 500 جنبه كتر خيرها.. أنا ما بنكرش والأستاذ ياسر جلال كان بيبعت لي لكن دلوقتي هو مسافر مدير أعماله قال لي ده مسافر خارج مصر.. والأستاذ أحمد العوضي وقف جنبي من حوالي سنة .. وأنا بقول مواقفهم عشان الواحد ما يبقاش قليل الأصل».
وتابعت برنسة عبد الغني: «من شوية لقيت حمادة صميدة بيكلمني وبعتلي ألف جنيه وكلمته بعدها وشكرته».
إصابة رجلها وحالتها الصحية
وزادت برنسة عبد الغني: «بتلقى المساعدات على رقم حساب هاتفي المحمول .. وأنا دلوقتي رجلي مش عارفة أدوس عليها من عند الفخذ إلى الركبة .. واشتريت عكاز من شارع القصر العيني عشان أقدر اتسند عليه في البيت».
واستطردت برنسة عبد الغني: «رجلي كانت مكسورة وروحت جبستها فدخل فيها ماية عملت عفونة ومن بعدها ما بقدرش أمشي عليها .. وأنا ما بنزلش شغل لأن لازم حد ينزلني من السلم وحد يطلعني».
صعوبة المعيشة
وأوضحت برنسة عبد الغني: «أنا ساكنة في تاني دور بشقة ايجار في الهرم عبارة عن أوضة وصالة بدفعلها 500 جنيه وجيراني بيساعدوني».
إمكانية عودتها للعمل
وحول إمكانية عملها في الوسط وتقديم أعمال، قالت برنسة عبد الغني: «مرة حد قالي هجيبلك دور تمثلي وانتي قاعدة لكن ما جابش وأنا معنديش مانع أمثل في دور يتناسب مع حالتي.. والأرزاق دي بتاعت ربنا والحمد لله على كل حال».
