نعت الفنانة حلا شيحة، المنتج حسام شوقي، الذي وافته المنيه منذ ايام، مع المنتجين الفنيين فتحي إسماعيل ومحمود كمال، وتامر فتحي إثر حادث على طريق الضبعة المؤدي إلى الساحل الشمالي، حيث انقلبت السيارة بهم واشتعلت النيران فيها حتى تهشمت تماماً.

حلا شيحة

وكتبت حلا شيحة عبر حسابها بموقع التواصل الاجتماعي للصور والفيديوهات انستجرام: قلبي كان بيحب الراجل ده .. الطيب المحترم، أنا لحد دلوقتي مش مصدقة إنه مشي من عالمنا بسرعة ومفاجأة كدة، بس متأكدة إن ربنا هيطمنه لأنه كان في الدنيا طيب والابتسامة مش بتفارق وشه.

وتابعت حلا شيحة، متحدثة عن عملها مع حسام شوقي: اشتغلت مع حسام في مسلسل زلزال وكان في غاية الأدب والذوق، متقابلناش كتير بعد كده بس كانت علاقتنا طيبة، يا رب يجبر خاطره ويبقى مع النبيين والشهداء، فعلا هو ومن كانوا معه كانوا من أحسن الناس وربنا يجعل لهم مكان عالي في الجنة.