انتقد الإعلامي محمد الليثي، السويسري مارسيل كولر المدير الفني للنادي الأهلي، بسبب قسوته في التعامل مع نجمي الفريق محمود عبدالمنعم كهربا، ومحمد مجدي أفشة.

وقال الليثي في تصريحاته تلفزيونية "لا أتحيز لـ أشخاص، بس ساعات الشخص بيصعب عليا لما تتك عليه، شوفت صورة من مباراة الأهلي والبنك الأهلي كهربا صعب عليا أوي، وعارف أن الكورة مفيهاش طبطة وحنية".

وأضاف: "كهربا بيتضغط عليه جامد وبينزل 7 و10 دقائق ومطلوب منه أنه يعمل حاجة، كولر ضاغط على كهربا وأفشة جدًا، إمام عاشور بيبقى مش قادر يشيل رجله وتعب، 5 مباريات متتالية بيلعب 90 دقيقة في 11 يوم، حتى عاشور كتب وقال إنه مش قادر وتعب من ضغط المباريات، وبردو كولر مبصش لـ أفشة".