EN
حل الفنان أحمد فهمي، ضيفًا على برنامج بيت السعد للفنانين الشقيقين عمرو وأحمد سعد، وذلك أمس الأربعاء 31 يوليو، عبر قناة mbc الفضائية، ومنصة شاهد.
وأدلى أحمد فهمي، بعدد من التصريحات حول حياته الفنية والخاصة، نرصد أبرزها من خلال التقرير التالي:
- أنا وأحمد سعد هنعدي مدحت صالح في عدد الجوازات، ولو بطلنا مشاكل الإعلام هيتأثر.
- عاوز كريم أخويا يحب بناته حب مش مشروط.
- وأنا صغير شوفت عفريت في شكل ست، وقالولي هتجيلك تاني لأنها أعجبت بيك.
- أعجبت بواحدة أجنبية في كافيه كان معمى عليها ولما ساعدتها إدتلي 20 جنيه.
أحمد فهمي وتعرضه للسحر
وكان نشر الفنان أحمد فهمي، صورة عائلية عبر خاصية ستوري حسابه الرسمي بتطبيق انستجرام، ومعها تعليق غامض حول السحر الأسود، ليثير فضول متابعيه عن تفاصيل تعرض عائلته للسحر.
وكتب أحمد فهمي، في تعليقه على الصورة: «ربنا يحفظكوا ليا ولبعض و يبعد عننا شر الأعمال السحر الاسود و السحرة و الفجر عند الخصومة ويديم علينا نعمة قرب ولاد الاصول دايما».
ولم يكتف أحمد فهمي، بالتعليق السابق، وتبعه بدعاء على من يلجأون لأعمال السحر، وأذية البشر، ليؤكد شكوك متابعيه حول تعرض أسرته للسحر.
أحمد فهمي وتعدد الزوجات
من جهة أخرى، كشف الفنان أحمد فهمى عن رأيه فى فكرة تعدد الزوجات، خاصة أنه تزوج أكثر من مرة فى فترة قليلة، مؤكدا أنه أمر جيد وجده خاض هذه التجربة من قبل.
وقال أحمد فهمى، فى برنامج “فى البوكس”: “تعدد الزوجات حاجة صعبة بس جميلة، جدي اتجوز 17 واحدة بعد سن الخمسين وبعد ما جدتي اتوفت”.
وعن مدى احتمالية تنفيذ ما فعله جده، قال أحمد فهمى: “أنا لسه قدامي فترة عشان ابدأ، معرفش ممكن أعمل زيه ولا لأ، عمري ما أقدر أقول، هو أنا كنت أعرف إن حياتي هتبقى كدا؟”.
هنا الزاهد وأحمد فهمى
حلَّت الفنانة هنا الزاهد ضيفة مع الإعلامية إسعاد يونس في برنامج “صاحبة السعادة”، وكشفت عن تفاصيل انفصالها عن الفنان أحمد فهمي، وكيف تخطت تلك التجربة، وعن تفاصيل أخرى بخصوص حياتها الشخصية وعلاقتها مع والدها ووالدتها وأخواتها البنات.
وقالت هنا الزاهد في لقائها: "عمري ما أتخيل حاجة اسمها طلاق، وربنا كان عارف إني مش مؤهلة لحاجة زي دي، وسهلها عليا، والموضوع حصل بالتدريج خلال 8 شهور، لو رجع بيا الزمن هخوض التجربة تاني، عشان أنا مكنتش هتعلم غير لما أتخبط جامد عشان أركز في اختياراتي بعد كده، ولكن مش أي حد نصدقه وندخله بيتنا وحياتنا، ومنزلتش دمعة بعد انفصالي وركزت مع نفسي، وقررت أشفى هنا من كل حاجة واتخطيت وكنت راضية جدًا".
وكشفت عن علاقتها بأخواتها ووالدتها وقالت: "شقيقتي نور رايقة بتحب السفر والميك أب، وفرح نفس شخصيتى، وأمي بتحب تدلعنا، ومش بتجبرنا على المذاكرة، وكنت بعاندها وشاطرة دايمًا، وفي آخر عامين اتصاحبت على شلة واترفدت أسبوع من المدرسة".
أما عن علاقتها بوالدها، فقد كشفت سرا جديدا وقالت: “بحب اللى يحتوينى وأشعر معاه بالأمان، ووالدي شخص جميل لكن مش بشوفه كتير، وكان نفسى يكون معايا فى كل مراحل حياتى ويسمع كل اللى جوايا فهو مثقف كان هيفيدني من تجاربه وأنا مفتقداه فى حياتي”.
