شارك محمد مجدي أفشة، لاعب الأهلي ستوري مع جمهوره عبر حسابه الشخصي على موقع التواصل الاجتماعي إنستجرام وكتب: “حابب أوضح حاجة علشان للأسف بعض الناس هيبدأ يتداول حاجات ويفسر حاجات مش مظبوطة”.

واستكمل أفشة: “أنا امبارح بعد التغيير كنت زعلان جدا جدا من نفسي وكنت حاسس إني محبط جدا ومعملتش حاجة للفرقة؛ خاصة إني بدأت الماتش وكانت حابب يكون ليا إضافة، أيام اللعيب أو الرياضي عموما بيبقى فيها حاجات محبطة زي كدة، أنا حتى نشرت إحصائية فيها صفر صناعة وصفر تسجيل، عندي أفضل من كدة اكيد”.

وأضاف: "مصدرش مني أي شيء ناحية الجهاز الفني اللي طبيعي يغير ويبدل أي واللعيب لازم يحترم قراره تحت أي وضع، ولا حتى الكابتن خالد بيبو اللي في لحظتها قولتله مفيش أي حاجة وقعدت وهديت، معلش لحظة غضب وراحت لحالها وإن شاء الله الجاي أفضل".