كشف الفنان شادي شامل، تفاصيل جديدة عن حياته الشخصية، مشيرا الى أنه شخص يهتم بمظهره الخارجي وملابسه.

بعمل بوتوكس وبدلع نفسي .. اعترافات صادمة لـ شادي شامل

والدي كان أبا شديدا وصارما جدا

وأضاف شامل، في حوار مع الإعلامية أميرة بدر، مقدمة برنامج خلاصة الكلام، المذاع عبر قناة النهار، مساء اليوم الأحد:"والدي كان أبا شديدا وصارما جدا، متابعا "ماكانش بيمد إيديه، نادرا جدا، وكان صارما في أمور ولا يمكن أقوله انت ولازم أقول حضرتك ولازم أبوس إيديه".
وتابع شادي شامل، حديثه عن والده، قائلا :"مينفعش أبدأ أكل على السفرة غير لما هو ييجي ومينفعش أقوم غير لما يقوم، ولازم أغسل طبقي، وأشكره دلوقتي على الشدة دي، اللي عمله صح، وحنية الدنيا كانت فيه، لما كبرت بقينا أصحاب".

وأكمل شادي شامل، :"والدي كان بيقولي صلي وأنا طول عمري ملتزم بالصلاة، ساعات كنت بقصر غصب عن الواحد، ودلوقتي ممكن يكون التقصير إني بصلي الفروض اللي مصلتهاش قبل ما أنام، وأمي علمتني حاجة حلوة قوي وهي الاستغفار بقعد أستغفر كتير جدا".

وتابع شامل: "أنا شايف أنه مش عيب أن الراجل يهتم بنفسه، لو حاجة هتحلي من شكلك أعملها إيه المشكلة دي حاجة متقللش من الواحد، زي ما الست بتهتم بنفسها لازم الراجل يهتم بنفسه، ولازم يكون شكلي كويس قدام الست".

وعن الانتقادات التي توجه له قال شادي شامل: "زمان كنت بتضايق من الانتقادات دلوقتي لأ، الناس كلها بتعمل كدة والعالم مفتوح على بعضه وأنا واثق من نفسي وميهمنيش أي حد".

وتحدث شادي شامل عن نشره لصور كثيرة عبر حساباته في مواقع التواصل الاجتماعي وقال: "أنا واثق من نفسي، وبحب روحي التلقائية وبصحى الصبح أبص لنفسي في المراية وأدلع نفسي، أنا من الشخصيات اللي بتحب تكلم نفسها، وساعات مبقاش طايق أبص لنفسي في المراية.