EN
كشف الفنان شادي شامل، تفاصيل جديدة عن حياته الشخصية، مشيرا إلى أنه شخص يهتم بمظهره الخارجي وملابسه.
بعمل بوتكس وكل فنانين مصر بيعملوه .. ومش عيب الراجل يهتم بنفسه
وأضاف شادي شامل، في حوار مع الإعلامية أميرة بدر، مقدمة برنامج خلاصة الكلام، المذاع عبر قناة النهار، مساء اليوم الأحد، أن :"شكلي أتغير عن زمان، كبرت.. أنا عامل بوتوكس، عملت الفيلر مرة واحدة من كام سنة، كل فنانين مصر بيعملوا بوتوكس، كل الفنانين الرجالة بيعملوا بوتوكس".
وتابع الفنان شادي شامل، أنه :"أنا لازم أحب نفسي، وواثق في نفسي مش غرور ولا تكبر، بصحى الصبح أبص لنفسي في المرايا وأدلع".
واكمل شادي شامل، ان :"مش عيب الراجل يهتم بنفسه، ولازم قدام الست يبقى شكله كويس، و أي رجل يجب أن يكون مهتما بنفسه، موضحا أن قام بحقن البوتوكس، كما يفعل جميع الفنانين".
وتابع شادي شامل: "أنا شايف أن مش عيب أن الراجل يهتم بنفسه، لو حاجة هتحلي من شكلك أعملها إيه المشكلة دي حاجة متقللش من الواحد، زي ما الست بتهتم بنفسها لازم الراجل يهتم بنفسه، ولازم يكون شكلي كويس قدام الست".
وعن الانتقادات التي توجه له قال شادي شامل: "زمان كنت بتضايق من الانتقادات دلوقتي لأ الناس كلها بتعمل والعالم مفتوح على بعضه وأنا واثق من نفسي وميهمنيش أي حد".
وتحدث شادي شامل عن نشره لصور كثيرة عبر حساباته في مواقع التواصل الاجتماعي وقال: "أنا واثق من نفسي، وبحب روحي التلقائية وبصحى الصبح أبص لنفسي في المراية وأدلع نفسي، أنا من الشخصيات اللي بتحب تكلم نفسها، وساعات مبقاش طايق أبص لنفسي في المراية.
