شارك محمد الدماطي عضو مجلس النادي الأهلي، منشورا بشأن البعثة المصرية لأولمبياد باريس 2024.

وكتب عبر فيسبوك: “مصر قعدت من ١٩٦٠ لحد ٢٠٠٤ بميدالية واحدة في ٨٤ لمحمد رشوان ، الجيل بتاعنا اللي بدا متابعة من برشلونة ٩٢ مكنش عندة أصلا أمل يشوف مصر في جدول الميداليات ، من ٢٠٠٤ لحد ٢٠٢٠ مفيش مرة رجعنا بدون ميداليات ، فعلي الرغم من العشوائية اللي موجودة في أغلب الاتحادات إلا ان كتير من المواهب مع الانفتاح اللي موجود أثبتت نفسها بنتائج محترمة”.

وتابع: “طريقة التأهل للأولمبياد بيكون فيها جزء مخصص للقارة في ألعاب ، أو افضل ٦٠ أو ٧٠ رياضي في ألعاب تانية ، وارد جدا اللعبة نفسها تبقي بعيدة عننا وبالتالي النتايج بتبقي وحشة ، لكن دة مش معناه ان نقول لا ومش حنشارك ، أي رياضي شارك في الاولمبياد تعب و شقي سنين طويلة و السخرية منة افتراء بحت”.

واختتم: “ربنا يكرم و نقدر نحقق نتائج افضل من الدورة اللي فاتت علي الرغم من عدم وجود رياضة الكاراتيه اللي حققت ميداليتين من ستة منهم ذهبية”.