استغاثت الفنانة دانا حمدان من أجل تشخيص مرضها والذي تعاني منه منذ ثلاث سنوات.

وقالت دانا حمدان في فيديو عبر انستجرام: فضلا وليس أمرا رجاء خاص تنشروا الفيديو ده بأكبر قدر ممكن، لأن أنا بقالي 3 سنين، بتشوفوني بضحك وبهرج وبعمل فيديوهات وبسافر، لكن أنا بعاني معاناة ما يعلم بيها إلا ربنا، وعايشة في تحاليل وسونار وأشعات.

أضافت: أنا تعبانة من حاجة محدش قادر يعرفها، كل ما أروح لدكتور يقولي مش شايف حاجة التحاليل كلها كويسة، فأنا هعرض حالتي هنا لعل وعسى فيه دكتور في مصر أو برا مصر يسمع الحالة بتاعتي ويديني حل لأني بتعذب ومش عارفة أنام.

وتابعت : من 3 سنين جالي ألم رهيب في جنبي الشمال، تحت عضمة الحوض، ساعتها الدكاترة أول حاجة قالوها اشتباه في القولون، لكن عملت منظار مفيش حاجة ومكنش فيه حاجة، والرحم مفيهوش مشكلة.

وأكدت أن الألم يلازمها 24 ساعة، وحاولت تغيير نظامها الغذائي ربما تكون المشكلة نابعة من ذاك المصدر، ولكن لم يؤثر ذلك في تخفيف الألم، كما أنها لا تعاني من أي أعراض مثل الإمساك أو الإسهال أو القيء، ولكنها تعاني فقط من الشعور بالغثيان والدوخة.

و في الفيديو التالي نكشف تفاصيل مرض دانا حمدان ….