مريم زوجة أربعينية تزوجت قبل 10 سنوات وتعيش في الكيت كات، ولديها 3 أطفال من زوجها إلا أنها وقفت أمام محكمة الأسرة طالبة الخلع من زوجها بسبب إهانتها بشكل متكرر بدون أسباب.

رفضوا زواجها من حبيبها.. رد فعل صـ ـادم من فتاة في الجيزة

إحالة عصام صاصا مطرب المهرجانات وشقيقه وآخرين للمحاكمة بتهمة التزوير| خاص

عامل علاقة مع خطيبته الأولى.. علياء تطلب الخلع بسبب خيانة زوجها

توفي بسبب تغيير لمبة.. التصريح بدفن جثمان كهربائي الجيزة

مريم تطلب الخلع من زوجها بسبب إهانته لها المستمرة

سردت مريم مشكلتها مع زوجها قائلة «كل شوية شتيمة وضرب بسبب وبدون سبب أنا تعبت من الحياة دي معاه ومبقتش قادرة أعمله حاجة وهو زي ما هو، أنا ما اتجوزتش عشان أكون خدامة ورغم أني بعمل كل حاجة بس بردو مش عاجبه، وفي النهاية مفرج عليا الجيران وفاضحني في البيت».

قالت مريم «عمري 42 سنة وأتجوزت من 10 سنين فاتت، جوزي جه طلب إيدي من أهلي ووافقوا وأتخطبنا وساعتها مكنش صوته بيطلع والله، لكن زي ما بيقولوا - تحت السواهي دواهي - وده اللي اكتشفته بعد الجواز، كائن تاني وشخص تاني، صوته ديما عالي عليا وشتايم قذرة وحاجة لا تطاق».

وأكملت مريم في قصتها «بعد الجواز بـ سنتين مكنش بيعدي عليا شهر من غير خناق بيني وبينه، وفي يوم اتصل بيا قالي جهزي هدوم ليا وأكويها عشان شغل بكرة، وفعلا جهزت له كل حاجة، وعملت له أكل، ونمت وهو جه وكل ونام، وصحيت الصبح على خناقة فين الفطار ياهانم وأنا مش عايز الهدوم دي ورماها في الأرض».

وتابعت مريم في قصتها مع زوجها «أنا بضرب وبتهان كل شوية على مدار 10 سنين وفي إهانة وشتايم قدام الولاد والجيران وأسرتي وأسرته، كل الناس شافتني وأنا بتهان ومحدش قادر يحل أو يغيره، لكن هو زي ما هو ومش بيتغير».

واختتمت مريم قائلة «يومها لما رجع بالليل بدأت أحل في المشاكل وفعلا الدنيا بقت كويسة، لكن في أخر مرة رجع بالليل وقالي أنا جعان قولت له ماشي قالي أعملي حاجة بحبها وهو بيموت في الكشري عملته فضحني وفرج عليا الجيران وقالي أنتي متنفعيش وفضل يشتم بدون أي سبب وأقوله أنا عملت ايه مابيردش، وفي الأخر قولت له عايز أطلق رفض جيت أرفع عليه قضية خلع».