بعد أيام قليلة من انفصاله عن خطيبته تعرض الفنان مسلم إلى أزمة جديدة فى إحدى حفلاته فى الساحل الشمالى والتى كان من المقرر أن يحيها إلا أنه تم إلغاؤها.

وقال مسلم عبر حسابه على موقع التواصل الاجتماعي انستجرام عبر خاصة الاستورى من خلال مقطع فيديو : بعد ان كنت متفق على حفل لى فى الساحل الشمالى فجأة وبدون مقدمات تم الغاء الحفل ودون مبررات وانا كان هناك كثير من التحذيرات لى قبل هذا الحفل بسبب المكان المقام به ولو مش قادر على سعرى متجبنيش.

وأضاف مسلم : أنا مش هسيب حقى لأن موقف غير لائق وأتمنى من النقابة أنها ترد لى حقى ويتم غلق المكان.

مسلم

وأعلن الفنان مسلم عن فسخ خطوبته للمرة الثانية ، وذلك عبر خاصية الأستوري ، علي صفحته الرسمية علي موقع الفيديوهات والصور الشهير إنستجرام .

وقال مسلم : محتاج أقول حاجة يمكن مش حتكون مهمة قوي للناس دلوقتي لأني حاسس أن الناس زهقت من الموضوع ده بس حبيت أوضح علشان رضيت ضميري قدام ربنا ، تم فسخ خطوبتي من يارا تامر وأتمنى لى حياة جميلة ونجاح واستمرار لأن حاولنا كتير وأنا خسرت كتير قوي من حياتي ووقتي قصاد التجربة دي وفشلت.

وتابع مسلم : والحمد لله بحمد ربنا انه بين لي كل حاجة تخليني أبقى في حالي وبعد وأسف لنفسي مرة ثانية والمرة دي بجد تعلمت الدرس شكرا المرادي اتقفل الموضوع نهائي .

بينما علقت يارا تامر عبر حسابها على موقع التواصل الاجتماعي إنستجرام على إعلان مسلم فسخ خطوبتهما معلقة أن هناك بعض المشاكل التى أدت إلى فسخ الخطوبة.

وقالت يارا تامر: “عايزة أقول حاجة صغيرة ممكن تكون مش مهمة لبعض الناس لكن لازم أعلن دا، تم فسخ خطوبتي من مسلم للمرة الأخيرة، إحنا حاولنا كتير لكن مفيش نصيب ولا تفاهم بينا، هو شخص كويس ومحترم وكل حاجة وربنا يكرمه في حياته، لكن مشاكنا صعبة وتفكيرنا بعيد عن بعض مهما حاولنا”.