علق محمد محسن شقيق أحمد محسن ظهير أيسر الإسماعيلي على أزمته مع النادي الإسماعيلي عبر صفحته الرسمية على موقع التواصل الاجتماعي فيسبوك.

وكتب محمد محسن:" لو الجهاز الفني والإدارة في النادي الإسماعيلي مفكرين إن الظلم في اللعيبة حلال يبقى كملوا في الظلم ومحدش يزعل لما نقول للناس والجمهور كل حاجة عشان يعرفوا إن الجهاز الفني جهاز ظالم والإدارة إدارة ظالمة لما يوقفوا ٤ او٥ لعيبة لمدة ٥ شهور واكتر ويبعدوهم عن المتشات وعن التمارين مع الفرقة وزيادة على دا كله يصرفوا فلوس للعيبة كلها معادا هما يبقى دا ظلم بين وواضح وفشل في الإدارة.

وتابع : لما لعيب تستبعده عشان مش ماضي مع الوكيل بتاعك يبقى دا فشل وتهريج لما لعيب عشان مش ماضي مع الوكيل بتاع المدرب بتاع المدرب بتاعك يبقى دا قمة الفشل والسمسرة العلنية وترجعوا تقولوا دا مش مكاننا الطبيعي

وأضاف : دا مش مكان جمهور الإسماعيلي اللي بيعشق النادي لكن دا مكانكم انتوا كجهاز فني وادارة اقل ما يقال إنها إدارة فاشلة وبتتهرب حتى من الرد على التليفونات .. اتقوا الله مش لازم تدمروا اللعيبة ونفسيتها وتخربوا بيوتهم عشان مش ماضيين مع الوكلا بتوعكم وحسبي الله ونعم الوكيل في الجهاز والادارة