EN
رد الفنان محمد رمضان مجددًا على إحدى القنوات العربية التي حاولت تكذيبه فى واقعة صفعه للشاب كريم شلبي فى الساحل الشمالي بعد أن تحدث لأول مرة عن اعتذار محمد رمضان له ولأسرته.
ونشر محمد رمضان فيديو من خلال حسابه الرسمي على موقع إنستجرام ، حق الرد على بعض القنوات ، الجمهور اللى لفت انتباهي انهم متحاملين عليا بشكل كبير حتى بعد ما اعتذرت للولد الصغير وعيلته ، سابوا الفيديو كله وماسكين على قلم بسيط طير الكاب والنضارة وبيلمحوا ان أنا بكدب لأن مفيش حاجة بتثبت كلامي.
واستكمل: لكن جمهوري تداول الفيديو اللى بيوضح اللى حصل وأنى صادق وشجاع وإنى طلعت اعتذرت وانى قوي لأني تمالكت نفسي وكظمت غيظي واكتفيت فقط بمسح الفيديو من غير ما اكسر التليفون اللى كان عليه إساءة لاسم أبويا.
رد المصفوع
وخرج كريم شلبي صاحب واقعة محمد رمضان فى الساحل الشمالي عن صمته وتحدث لأول مرة عن اعتذار محمد رمضان له ولأسرته.
وقال كريم فى فيديو نشره على صفحته الشخصية بموقع التواصل الاجتماعي فيس بوك: شكرا لكل واحد قال كلمة حلوة ودافع عني وأنا اعترفت بخطأي لأن الاعتراف بالحق فضيلة ، تاني حاجة بقى أنا مطلعتش أتكلم فى أي قناة ولا فيديو لاني مش عايز أطلع تريند زي ما كتير بيقولوا، انا الحمد الله شبعان وعيني مليانة ومش محتاج التريند.
وأضاف: اعتذار محمد رمضان على راسي بس كنت عايز أقول حاجة أن فى ناس بتتولد صغيرة وبتكبر وفى ناس بتتولد صغيرة وبتفضل صغيرة.
وتابع موجها حديثه لمحمد رمضان: أنا كنت طالع الساحل اتبسط ومش هتكلم فى حوار أنك قولت أنك طيرت الكاب والنضارة بسبب القلم بس ابقى تقل أيدك شوية إن كانت ايدي الشمال نموسة فايدي اليمين مرزبة وأنا مرضتش أعمل محضر فيك علشان العفو عند المقدرة.
رد محمد رمضان
رد الفنان محمد رمضان على جدل واقعة الشجار بينه وبين أحد الشباب في الساحل الشمالي،حيث ظهر رمضان وهو يمسك بالشاب بسبب الموبايل ويقول له: هات الموبايل وعندما رفض الأخير منحه إياه صفع الفنان الشاب على وجهه وعلى الفور، رد الشاب الصفعة على وجه محمد رمضان ، وسط صدمة المحيطين.
ونشر محمد رمضان فيديو من خلال حسابه الرسمي على موقع إنستجرام ، قال فيه: جمهوري العدل الأصيل ألف شكر أنا سمعت وعرفت قد ايه انتوا دافعتوا عني وغلطتوا الولد الصغير ، لكن أنا برضو بعمل الفيديو دا عشان أعترف بغلطتي اعتذر للولد الصغير وأهله وأن ايدي اتمدت عليه، لأن لما غلط فى الأول قلعتوا الكاب وعرفت انه ولد صغير وسألتوا اسمه ايه وسيبته ومشيت ولما غلط تاني قولتله هات التليفون ومتملكتش نفسي وضربته قلم بسيط طير الكاب ، وعرفت أنه من قرية تانية غير مراسي وجاي يتفسح".
واستكمل: “ولو هعتبر الناموسة اللى جت على خدي قلم ف أنا أستاهل من الناموسة دى 5 عشان أن غلطان ودى ولا رجولة ولا بطولة ودى الغلطة اللى أنا طالع اعتذر عنها ومسكت التليفون امسح الفيديو”.
