علق شريف اكرامي، حارس مرمى بيراميدز على رفع الايقاف عن اللاعب رمضان صبحي، عبر حسابه الشخصي على انستجرام.

وكتب:"من أول يوم قولتلك مش هتكون كبش فدا مش هتكون كبش فدا للعشوائية و التخبط و الجهل باللوائح مش هتكون كبش فدا للمسئولين الهواه المسئولين الغير مسئولين و الغير مؤهلين انت مكمل يا رمضان و هتكمل في طريقك، لان اللي ربنا سَنَده محدش هيقدر عليه و عشان للأسف في الدنيا مش كل اللي بيغلط بيتحاسب بس المره دي،كل اللي غلط هيتحاسب مبروك ظهور الحقيقة يا حدوته".

تفاصيل القضية وقرار اللجنة

أوضحت المنظمة المصرية لمكافحة المنشطات في بيانها أن قرارها السابق بفرض الإيقاف المؤقت الإجباري على رمضان صبحي كان متوافقًا مع القواعد المنصوص عليها في القواعد المصرية لمكافحة المنشطات، إلا أن اللجنة قررت بالأغلبية عدم فرض عقوبة على اللاعب، ورفع الإيقاف المؤقت الإجباري عنه بشكل فوري، وقامت المنظمة بدورها بإخطار جميع الأطراف المعنية بهذا القرار.

رمضان صبحي جاهز للمشاركة في المباريات الرسمية

قال أسامة غنيم، الرئيس التنفيذي السابق للمنظمة المصرية لمكافحة المنشطات، في حديثه خلال برنامج "البريمو" على قناة "تن" مع الإعلامي محمد فاروق، إن رمضان صبحي أصبح جاهزًا للمشاركة في المباريات الرسمية خلال الفترة المقبلة بعد رفع الإيقاف عنه بشكل رسمي.

وأكد الرئيس التنفيذي السابق للمنظمة المصرية لمكافحة المنشطات أن رفع الإيقاف يعني انتهاء الأزمة بشكل كامل، مما يتيح للاعب المشاركة في المباريات بدون قيود.