تحدثت الفنانة هنا الزاهد ضيفة في برنامج" صاحبة السعادة"، مع الفنانة إسعاد يونس، والمذاع على فضائية "دي إم سي"، عن عائلتها وعلاقتها بأخواتها، قائلة: “ماما كانت دائمًا بتلبسني أنا وفرح زي بعض وإحنا كنا بنكره نلبس زي بعض.. واحنا مش توأم وأنا أكبر منها بعامين ونصف”.

وأضافت الفنانة هنا الزاهد: “ماما كانت بتحب تدلعنا وكانت مديرة مدرستنا شديدة وفى آخر أيام الامتحانات كانت بتختار لنا ملابسنا وكنا لبسنا كتف وكتف.. وطبعا مديرتنا معجبهاش الأمر ودخلت عليا قالتلي تعاليلي ولبستني تيشيرت طويل انا واختي وقالت عقابًا ليكوا هتلبسوا كدا كل يوم”.

وتابعت الفنانة هنا الزاهد: “كلموا ماما وتاني يوم لبستنا حاجة من غير كتف.. وقولتلهم والله ما أخترتوا هي اللي اختارتوا قالتلهم خلاص سيبوها.. وطول عمري كنت إنسانة نيرد فى حياتي لأن ماما كانت لا تجبرنا على المذاكرة، وكنت شاطرة طوال عمري.. وجيت على آخر سنتين زهقت واتصاحبت على بنات قاعدة فى آخر الصف وأترفدت لمدة أسبوع”.