كتب الناقد الرياضي خالد طلعت منشوراً بشأن ميسي عبر صفحته على موقع التواصل الاجتماعي فيس بوك.

وكتب خالد طلعت: “ميسي بيضرب مثل مهم جدا لأي لاعب ولأي بني آدم في حياته وفي شغله انه مييأسشي ويفضل يشتغل لحد لما يحقق هدفه”.

ميسي كان لاعب ناجح جدا مع كل الفرق اللي لعب لها وحقق بطولات وانجازات كتيرة ، ولكنه كان فشل مع منتخب الأرجنتين الأول وكان محققش أي بطولة مع المنتخب طول تاريخه لحد سنة 2021 وكان عمره ساعتها 33 سنة يعني كان على مشارف الاعتزال

ناس كتير كانت بتهاجم ميسي وبتقول انه مش بيلعب مع المنتخب زي الفريق (زي ما بعض الناس هنا بتقول على محمد صلاح) وناس تانية قالت عليه لاعب مش دولي (زي ما بعض الناس هنا بتقول على زيزو) وكان من ضمن الناس دي كابتن سمير كمونة (قال كده على ميسي والله مش على زيزو)

في سنة 2021 حقق ميسي أول لقب مع الأرجنتين كاس كوبا أمريكا وهو عنده 33 سنة في سادس مشاركة ليه في البطولة بعد 5 مشاركات سابقة فشل فيهم في التتويج

وفي سنة 2022 حقق ميسي تاني لقب ليه مع الأرجنتين وكسب كاس العالم وهو البطولة الاهم في العالم وهو عنده 34 سنة بعد 4 مشاركات سابقة فشل فيهم في التتويج

وفي سنة 2022 برضه حقق ميسي تالت لقب ليه مع الأرجنتين بالفوز بكأس السوبر الأوروبي الأمريكي جنوبي بالفوز على إيطاليا.

وفي سنة 2024 حقق ميسي رابع بطولة دولية ليه بالفوز بكوبا أمريكا للمرة الثانية على التوالي وهو عنده 37 سنة.

اللي عمله ميسي درس لكل الناس مش اللاعبين بس انك تفضل تشتغل وتجتهد لأخر يوم في عمرك لحد لما تحقق حلمك وإن شاء الله محمد صلاح يحقق بطولة مع منتخب مصر قريب".