كشف كريم شلبي صاحب واقعة محمد رمضان فى الساحل الشمالي عن صمته وتحدث لأول مرة عن اعتذار محمد رمضان له ولأسرته.

وقال كريم فى فيديو قام بنشره على صفحته الشخصية بموقع التواصل الاجتماعي فيس بوك: شكرا لكل واحد قال كلمة حلوة ودافع عني وأنا أعترفت بخطأي لأن الاعتراف بالحق فضيلة ، تاني حاجة بقى أنا مطلعتش أتكلم فى ولا قناة ولا فيديو لاني مش عايز أطلع تريند زي ما كتير بيقولو، انا الحمد الله شبعان وعيني مليانة ومش محتاج التريند.

وأضاف: اعتذار محمد رمضان على راسي بس كنت عايز أقول حاجة أن فى ناس بتتولى صغيرة وبتكبر وفى ناس بتتولد صغيرة وبتفضل صغيرة.

وتابع موجها حديثه لمحمد رمضان: أنا كنت طالع الساحل اتبسط ومش هتكلم فى حوار أنك قولت أنك طيرت الكاب والنضارة بسبب القلم بس ابقى تقل أيدك شوية إن كانت ايدي الشمال نموسة فايدي اليمين مرزبة وأنا مرضتش أعمل محضر فيك علشان العفو عند المقدرة.

اعتذار محمد رمضان

حرص الفنان محمد رمضان، على الاعتذار للشاب الذي صفعه في مراسي، مؤكدًا أنه لم يتمالك أعصابه حين أخطأ الشاب في اسمه، خاصةً أن الشاب كرر فِعلته مرتين.

ونشر رمضان فيديو عبر حسابه الرسمي بـ"إنستجرام"، وقال فيه: "جمهوري العدل العزيز والأصيل والغالي، ألف شكر وربنا ميحرمنيش منكم، أنا قرأت وسمعت قد إيه دافعتم عني وغلطتم الولد الصغير".

وتابع رمضان:" أنا عامل الفيديو دا عشان أعتذر، لأهل الولد الصغير إن إيدي اتمدت عليه وأنا عارف إن هو عيل صغير، ولما غلط أول مرة وشيلتله الكاب من على راسه، ولاقيته عيل صغير وقولتله اسمك إيه يا حبيبي".

وأضاف رمضان عن اللحظة التي صفع فيها الشاب: "لما غلط تاني متمالكتش نفسي، وضربته قلم صغير خلى الكاب يطير من على راسه والتليفون خدته ومسحتله الفيديو، ولو هنعتبر الناموسة وقفت على خدي قلم أنا أستاهل من الناموسة خمسة، لأن أنا مديت إيدي على عيل صغير".

واستكمل رمضان: "ودي لا بطولة ولا رجولة، وحد قالي أكسرله التليفون لكن قولتله لأ هو غلط أهله ذنبهم إيه يغرموا تليفون تاني، ودي الغلطة اللي أنا طالع أعتذر عنها".