EN
استضافت الإعلامية منى الشاذلي المطرب والملحن رامي جمال وزوجته ناريمان ببرنامجها "معكم" المذاع على قناة "ON".
وقال رامي جمال:" تعرفت على "ناريمان" زوجتى وهى كانت جاية تاخد لحن، وشفتها وعجبتنى وهى بتتكلم وطريقة الكلام كانت عاجبة ودانى، حسيت إن روحى تآلفت معاها، ولما شفتها قلت: "آه لو عندى حد ممكن أغنيله لوحده" ودا مش هيزعل جمهورى".
وأضاف رامى جمال: "اتفاقى مع ناريمان بالابتعاد عن الغناء، بسبب إنى شايف إن الغناء مش شغلتها".
وفي سياق متصل، تابعت ناريمان: "رامى جمال كان مبين انه مهتم بيا وكنت اعتقد أنه كان بيكذب عليا، وبدأت أحس بمشاعره نحوى وحدة وحدة، وفى نفس اليوم لمح لى أنه معجب بى، فقلت له لسه بدرى، وكان نفسى أغنى حاجة من ألحانه، لأن كل أغنية أو لحن يقدمه كان بينجح".
وأشارت: “عملنا إتفاق أني أبطل الغناء ونتزوج.. وفى البداية كنت معترضة عن الموضوع.. ولكن بعد فترة من التناقش معا لما رامي جه قالي أن أخوه وكلمت بابا وحابب اننا نتزوج فى الإجازة لقيت نفسي مبسوطة وحاسة أني مش متضايقة أني هبطل غناء.. وبصراحة أنا الأن لست نادمة على هذا القرار”.
