EN
كواليس جديدة في قضية شيري هانم و زمردة، حيث قضت محكمة النقض برفض طعن شيري هانم وابنتها زمردة على الحكم الصادر ضدهما بالحبس لمدة 5 سنوات، ويرصد موقع صدى البلد كواليس رحلة شيري هانم وابنتها زمردة.
تفاصيل اعترافات زمردة ابنة شيري هانم
رحلة شيري هانم وابنتها زمردة بدأت قبل سنوات عديدة، حيث كشفت التحقيقات واعترافات المتهمتين شريفة رفعت وشهرتها شيري هانم وابنتها زمردة تفاصيل اتهامهم بممارسة الحرام وانتهاك حرمة الحياة الخاصة، ونشر فيديوهات وصور خادشة للحياء العام، وإعلانهما دعوة تتضمن إغراء بالفسق ولفت الأنظار إليها، واعتياد إحداهما ممارسة الحرام وتحريض الأخرى لها ومساعدتها على ذلك وتسهيلها لها.
أدلت المتهمة نورا هشام علاء الدين الشهيرة بـ " زمردة " بإعترافات تفصيلية في القضية رقم ۲۱۲۸ لسنة ۲۰۲۰ جنح مدينة نصر أول، قائلة : " اللي حصل إن أنا كنت عايشة مع والدي ووالدتي وسنة 2005 والدي ووالدتي انفصلو و روحت عشت مع والدتي في العمارة بتاعة جدتي في مدينة نصر وامي كانت في مشاكل بينها وبين خالى وان جدتي كتبتله كل حاجه باسمه بيع وشراء واحنا ساعتها كان والدي بيبعتلي فلوس ودى اللى كنا بنعيش بيها.
وتابعت زمردة : سقطت في الثانوية العامة والدي رفض يديني فلوس تاني، ووالدي صمم أني اسيب المدرسة الخاصة وأروح مدرسة تجريبي عشان مش قادر يتحمل تكاليف تعليمي، وانا ووالدتي رفضنا ده، وطلعت من المدرسة ومكملتش دراستي، ومن ساعتها والدتي مش معاها فلوس وبتاخد من اخواتها وبتنزل تشتغل اي حاجة لحد ما حصل مشاكل بينها وبين اخواتها، فأنا قررت أتجوز عرفي عشان أصرف على نفسي.
وأضافت زمردة، اتجوزت جواز عرفي لمدة ١٠ أيام، وعشان احنا مش معانا فلوس لقيت واحد متجوز هيتجوزني عرفي ويديني مهر ٨٠ الف جنية وبعد ١٠ ايام حسيت اني مش عايزة اكمل فقولتله ننفصل، وطبعا والدتي كانت على علم وعارفة بالجواز عشان كنا عايزين اي فلوس.
واستكملت نورا الشهيرة بـ "زمردة"، انا كنت ببعت فيديوهات وصور ليا على الواتس اب وناس تبعتلى فلوس، وناس تانية مكنتش بتبعت، وبعدها بقينا بنعمل فيديوهات على اليوتيوب انا وامي وعشان فيديوهات الشتايم المشاهدات قلت، ومبقاش معانا فلوس وسيبنا شقة أرض الجولف، وروحنا نأجر شقق باليوم او نقضى ليلة في اي فندق، لحد ما اتقبض علينا من فندق في مصر الجديدة كنا قاعدين.
وعلقت زمردة على رسائل بينها وبين والدتها حول شخص يدعى ك م، وقالت : ايوة الرسائل دي كانت بيني وبينها عشان تبقى عارفة انا بعمل ايه، والشخص ده واحد كنت هقابله وهي كانت عايزة تعرف انا هاخد كام، والشخص ده انا كنت معشماه اني هيبقي فيه بينا علاقة حرام واني هقضى معاه ليلة ويديني فلوس.
وانا بصراحة كنت بضحك عليه، ولما روحت اتحججت اني عندي ظروف واخدت ٤ آلاف جنية ومشيت وعملت له بلوك، وانا كنت بقول لأمي أن في ناس على الانستجرام عايزة تقابلني ويكون في علاقة حرام، وكنا بنتفق ازاي اقابلهم وامشي بدون مايحصل علاقة كاملة.
وأضافت زمردة، معظم علاقاتي ماما كانت عارفاها، لما كنت بنزل مع أشخاص في عربياتهم ويحصل علاقة بس مش كاملة واخد الفلوس وامشي، وماما كان دورها انها تقولي ازاي اتحجج عشان اهرب من العلاقة الكاملة.
وتابعت زمردة، حول محادثة تضمنت ايحاءات بينها وبين والدتها، أنها كانت في سيارة مع شخص يدعى أ وتحدثت والدتها لتسألها عن مكانها وهتاخد كام، وفعلا نزلت معاه في العربية وعملنا علاقة بس مش كاملة واخدت الفلوس ومشيت.
وأكدت نورا الشهيرة بـ " زمردة": احنا كنا بنصرف الفلوس على ايجار الشقق والمعيشة ومكنش في فلوس تاني، مشيرة " في مرة كنت مزنوقه في فلوس واتعرفت على شخص اسمه م ع وقولتله اجيلك الشقة في الزمالك وروحتله واخدت ٤ الاف جنية، وواحد تاني اسمه ف وجالي شقة ارض الجولف وعملنا علاقة بس مكملناش ومشي واداني الفين جنية وماما ملهاش دعوة بموضوع العلاقات انا اللي كنت بعملها وبجيب الفلوس.
وقالت شريفة الشهيرة بـ " شيري هانم"، حول محادثة على الواتس آب مثبتة على هاتفها تضمنت "رسالة صوتية جاء نصها - أقوله الظوافر دی حلوة ولا لاء"، وردت شريفة برسالة صوتية نصها"برافو عليكي نقي معاه هو قالك هيدفع كام علشان لو كده يزود لك الفلوس واعتقد انه هيشت مش أقل من ألفين جنيه ولوفودافون كاش لازم اجي معاكى"، انا مش فاكره انا قولت الكلام ده و لا لان انا الفترة اللى فاتت دى كنت باخد ادوية مهدئة للأعصاب انا ونورا .
وأضافت المتهمة شيري هانم، في اعترافاتها، احنا بعنا الموبايل وانا معرفش الشريحة فين اكيد ضاعت منى وتابعت شيري هانم، الرسائل اللي بيني وبين بنتي واللي كان فيها اتفاق على اقامة العلاقات مع الرجال بمقابل مادي مش فاكراها ومش فاكرة اذا كان الحديث ده تم بينا لان الفترة اللى فاتت دى كنا في ظروف نفسية سيئة وكنت باخد ادوية مهدئة للاعصاب.
