نعى شريف إكرامي، حارس مرمى بيراميدز، الراحل أحمد رفعت، لاعب فريق مودرن سبورت الذي وافته المنية صباح اليوم إثر تدهور حالته الصحية، خلال منشوراً عبر صفحته على موقع التواصل الاجتماعي فيس بوك.

وكتب شريف إكرامي :"أحمد رفعت مات بس كريستيان اريكسن عاش.. مات مع ان اللي عالجوه طلعوا كل يوم في البرامج يتكلموا ويطمنو الناس عليه ، ويأكدوا لنا ان محدش قصر.. رفعت مات مع إن الوزير راح بنفسه واطمن عليه واتصور معاه كمان عشان يطمنا اكتر.. مات بعد تاكيد مسئولي ناديه انه في طريقة للعودة للملاعب وأنهم عملوا معاه الواجب و زيادة..
طبعاً لكل أجل كتاب اللهم لا اعتراض .. بس بردو لكل اجل سبب.. اريكسين عاش عشان اتلحق من اول ثانية قلبه فيها وقف..مش بعد نص ساعة.. اريكسن عاش عشان فيه قدسية لحياة الانسان و صحته..مش بنتاجر بيها.. عاش عشان في ناس بتشتغل بجد..ناس مسئولة عندها ضمير واحترام لنفسها ولمناصبها،مش ناس كل همها تبان كده.. اريكسن عاش لان في ناس اشتغلت علي كل حاجه عشان تنقذ حياة بني ادم..مش اشتغلت بس عشان تخلي مسئوليتها.. اريكسن عاش عشان محدش قهره نفسياً ولا ذله و لا اتحكم فيه و لا فمستقبله..

روح يا رفعت للي ارحم من أي حد.. روح عشان حق اللي بيموت هنا يابني كام صورة علي شوية تغريدات، ودمعتين في البرامج و اخرهم يومين تلاته.. وبس ارتاح يابني وسيبنا هنا مع الافاقين و المتاجرين معدومي الاحترام و الضمير و الانسانية.. ارتاح يا رفعت لعل وعسي موتك يكون سبب في صحيان ضمائر و ذمم ماتت من زمن..
رحمك الله يا احمد".

وأعلن نادي مودرن سبورت عن وفاة أحمد رفعت لاعب الفريق الأول ومنتخب مصر أثر تدهور حاد في حالته الصحية، تم نقله على أثره إلي المستشفى ليتوفاه الله، بعد رحلة شاقة من الصراع بعد الأزمة الصحية التى حدثت له يوم 11 مارس 2024.

‎وكتب النادي عبر صفحته الرسمية: بقلوب يعتصرها الحزن لا نملك إلا الرضا بأقدار الله يتقدم النادي بخالص التعازي لأسرة اللاعب وجماهير الكرة المصرية داعين المولى عز وجل أن يتغمده بواسع رحمته ويسكنه فسيح جناته ويلهمنا جميعاً الصبر والسلون.