EN
"ناقر ونقير"، مثل شعبى مصرى ينطبق على المطربة "شيرين عبدالوهاب" صاحبة أغنية "جرح تانى" وطليقها المطرب حسام حبيب صاحب تصريح "أنا طلعت من بيت أمى على بيت شيرين عبدالوهاب".
لا تكاد أن تهدأ السوشيال ميديا من خناقات حسام د وشيرين وينشغل الجمهور بموضوعات أخرى، حتى تنفجر الأمور بينهما مرة أخرى اليوم فجرا قامت شيرين عبدالوهاب، بتحرير محضر بقسم التجمع الخامس، ضد طليقها حسام حبيب، بعد التعدي عليها وكشف التقرير الطبي المبدئي لحالة المطربة الفنانة لديها إصاباتها بجرح غائر في الرأس وجروح وتجمعات دموية أسفل العين وكدمات بالقدم.
وقالت شيرين في المحضر رقم 7155، إنها ذهبت إلى استوديو التسجيل الصوتي المملوك لها هي وحسام حبيب بالشراكة.
ووجدت حسام بالمكان فطلبت منه فضّ الشراكة وإعطاءها نسبتها في الاستوديو، لكنها فوجئت بتعديه عليها بالضرب وسبها وشتمها وطردها من دون إعطائها متعلقاتها الشخصية، وهي عبارة عن حقيبة يد تحوي مبلغا ماليا وهاتفا محمولا خاصا بها.
ليست المرة الأولى
ولأن خلافات شيرين وحسام لا تنتهى سنكتفى فقط بعرض جزء من الوقائع حيث فى نوفمبر 2021 اعلنت المطربة شيرين عبد الوهاب انفصالها رسميا عن حسام حبيب بعد عدد من المشكلات.
فى مايو 2022
حررت الفنانة شيرين عبد الوهاب محضرا ضد زوجها السابق حسام حبيب بعد التعرض لها ولابنتيها بعد توجهه إليها في فيلتها بمنطقة الشيخ زايد حيث أبلغت شرطة النجدة عن تواجده بفيلتها.
وانتقلت قوة أمنية من قسم الشرطة لفحص البلاغ وطلبت المطربة أخذ تعهد على الفنان حسام حبيب طليقها بعدم التعرض لها وابنتيها.
وأضافت التحريات أنه بسؤال الفنان حسام حبيب عن اقوال طليقته برر تواجده بالفيلا بوجود اتفاقات بينهما لإنهاء مشروع فني ولم ينو ايذائهن.
البصلة وقشرتها
"يا داخل بين البصلة وقشرتها ما ينوبك إلا دمعتها أو ريحتها"، هكذا يمكن توصيف حالة كل من حاول من اصدقاء دعم شيرين عبدالوهاب ضد حسام حبيب.
تامر عاشور
مؤخرا حاول تامر عاشور دعم شيرين عبد الوهاب وشقيقها محمد والهجوم على حسام حبيب حيث كتب: "كل اللي أقدر أقوله في موضوع شيرين عبد الوهاب إن مفيش كلمه واحده بس من اللي اتقالت وانتشرت صح أنا قريب من اهل شيرين ووالدتها واخوها".
أنا برضه أقولها إني بحبها وكل الدنيا بتحبها وتحب فنها، أهل شيرين مظهروش فى حياتها آخر سنتين ثلاثه أهل شيرين هم اهل شيرين من زمان كل نجاحات شيرين كانت وسط اهلها وناسها اللي يشيلوها من ع الارض شيل".
وأضاف: "يا رب يبعد عنها كل خبيث وأناني وفاشل وممثل، هي اطيب منهم كلهم وهم اللي وقعوها فكل مشاكلها "انت بمن حولك " لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله ف عدم وجودهم بمنتهى السهوله".
واختتم حديثه: "أنا كلت عيش وملح ف بيتها وف بيت امها واخوها وكان لازم اقول الكلام ده علشان الكلام ده هو الكلام الحقيقي ولا كلمه من اللي اتقالت واتسمعت ليها أساس من الصحه، أهل شيرين هم هم اهل شيرين من زمان قوي".
شيرين ترد داعمه لحسام حبيب
من جانبها ردت شيرين على تصريحات شقيقها وحسام حبيب التصريحات بالتسجيل الصوتي التي قالت فيه : "مساء الخير لكل جمهوري الحبيب انا فوجئت النهارده باللي حصل على السوشيال ميديا بين حسام وبين اخويا محمد فأنا حبيت اكد إنه حسام كلامه صح واخويا فعلًا باعني لاني كنت عاملاله توكيل فراح باع السوشيال ميديا بتاعتي بالتوكيل العام ده ومضى عقد بتاريخ قديم وباع السوشيال ميديا بتاعتي".
واضافت: "أنا مش عايزه اتكلم في مشاكل شخصية تاني عشان الناس متقعدش تقول هو احنا مورناش غير شيرين! بس انتوا لازم تعرفوا اني عندي اغاني حلوه جدًا جدًا لما المشاكل دي تخلص هتنزل وهتعجبكم ومتصدقوش اللي بيقوله اخويا عني ومشكور حسام إنه بيرد وبيقول الحقيفه اللي اهلي مش بيقولوها".
واستكملت قائلة: “أنا أسفه اني شغلتكم بأخباري بس انا اضطريت اتكلم لاني صحيت لقيت الدنيا مقلوبه وانا مليش ذنب في اللي بيحصل ده، وصدقوني انا مش عايزه اضايقكم بأخباري سواء حلوه أو و.حشه عشان عارفه إنه كل وا عنده همومه، ومش حابه يتقال هو مفيش ورانا غير شيرين يعني”.
واختتمت حديثها قائلة: “انا بتأسفلكم وانتوا اهلي ووقفتوا جمبي ومش قصدي ادوشكم بمشاكلي انا مليش ذنب ومبتكلمش بدليل اني الفتره اللي فاتت كنت ساكته فأنا بعتذرلكم والله انا أسفه على الازعاج ده”.
