ولاء سيدة ثلاثينية تقدمت إلى محكمة الأسرة في مصر الجديدة طالبة الخلع من زوجها، بسبب قيامه بإهمالها ومعاملتها بقسوة وعدم التفاهم بينهم، لدرجة وصلت إلى طردها في منتصف الليل بملابس المنزل أمام الجيران بسبب خلاف بسيط بينها وبين شقيقته.

نقل الحالة وحرر محضرا .. مسعف يتهم شابا بالتعدي عليه في الجيزة

دفن جثماني شابين لقيا مصرعهما بحادث على الإقليمي جنوب الجيزة

سرقة سيارة تابعة لشركة الكهرباء في الجيزة.. والأمن يبحث عن الجناة

لا إصابات.. التحريات: ماس كهربائي بجهاز تكييف وراء حريق مركب الجيزة

ولاء تطلب الخلع من زوجها بعد 4 سنوات

سردت ولاء قصتها عن زوجها قائلة «طرقت كل الأبواب حتى أصل إلى حلول لمشكلتي مع زوجي، حاولت أسرتي واسرته تغيير معاملته لي إلا أنني في النهاية لم أجد حلول وقررت اللجوء إلى محكمة الأسرة طالبة الخلع منه للتخلص من تلك التصرفات التي عانيت منها خلال 4 سنوات زواج، فهو شخص قاسي في معاملته وكثير التشاجر معي بالألفاظ في كل وقت حتى وإن كانت المشاكل بسيطة بيني وبينه».

وقالت ولاء عن قصتها « أنا كان عمري 29 سنة وطبعا ده في أسرتي كان مشكلة لأنهم شايفين أني كده كبرت ومينفعش أقعد أكتر من كدة، واتقدم لي صاحب جوز بنت عمي، ووافقوا عليه على طول حتى ملحقتش اقعد معاه، والخطوبة كانت 3 شهور بس لأن شقته كانت جاهزة وعملت الفرح يعني جوازة كانت سلق بيض زي ما بيقولوا وملحقتش افهمه ولا يفهمني وده كان سبب في اللي أنا فيه».

وتابعت ولاء قائلة «بعد الجواز هما 3 شهور اللي الحياة فيهم كانت كويسة ومن غير مشاكل، لكن بعدها حصلت المشاكل بيني وبينه كل شوية إهانة وخناق وطبعا ده بسبب إنه مش فاهمني وأنه مش بيحتويني ولا بيتكلم معايا وكان بيعاملني بقسوة جدا، وفضلت مستحلمة ده معاه، وقولت معلش أنا مش هرجع بيت أهلي مطلقة وهفضل أحاول لحد ما أحل مشاكلي، وكلمت اسرتي واسرته لكن مكنش في حلول».

واختتمت ولاء «ضرب وإهانة كل يوم دي كانت حياتي مع جوزي لحد ما طردني من البيت الساعة 2 بالليل بلبس البيت، والجيران حاولوا يقنعوه أن ده مينفعش لكن هو بردو مسمعش حد وجت اختي خدتني وروح لأهله واشتكيته ومحدش حل حاجة، وطلبت الإنفصال قال لا روحت محكمة الأسرة ورفعت عليه قضية خلع عشان أخلص منه».