EN
ولاء سيدة ثلاثينية تقدمت إلي محكمة الأسرة بمصر الجديدة طالبة الخلع من زوجها بسبب علاقته بإحدى جيرانه في منطقة سكن أسرته واكتشافها خيانته لها، حيث لجأت إلى محكمة الأسرة بعد رفضه الإتفصال عنها.
ولاء تطلب الخلع من زوجها بعد عامين زواج
سردت ولاء قصتها مع زوجها بعدما تقدمت بدعوى خلع ضده قائلة «أنها تزوجت قبل عامين فقط ولم يكن هناك مشكلات بينها وبين زوجها وأن زوجها كان يعاملها بصورة طبيعية لكنها اكتشفت بالصدفة خيانته لها وقامت بمراقبته واكتشفت أنه على علاقة محرمة مع إحدى جيرانه بمنطقة سكن أسرته في حدائق القبة، وطلبت منه الإنفصال إلا أنه رفض».
قالت ولاء عن قصتها مع زوجها «وأنا عندي 28 سنة اتقدم محمود لأسرتي وهو كان بيشتغل معايا في نفس الشركة اللي بشتغل فيها وساعتها أهلي وافقوا وكانت الخطوبة سنة وكنت عايشة أحلى أيام في الوقت ده ومحصلش بيني وبينه اي مشاكل وهو شخصيته كويسة وبيعاملني كويس جدا كان».
وتابعت ولاء «اتجوزته وبعد الجواز الدنيا كانت كويسة وقضينا شهر العسل وكان بيعاملني كويس جدا والحب بيكبر بيني وبينه وكمان كان بيتعامل معايا زي اي زوج بدون مشاكل بيني وبينه في الجواز، وكمان كان ديما يقولي كلمته الشهيرة أنتي أحلى حاجة حصلت لي وأنا كنت شايفة أن مفيش أي حاجة ومن معاملته كان مستحيل أشك فيه».
وأكملت ولاء «لكن بعد سنة ونص جواز لاحظت أننا كل ما نروح عن والدته ينزل ويرجع بعد شوية ويقول كنت بقابل صحابي واقعد معاهم وأنا كنت شايفة أنه عادي، لكن في مرة والدته قالت لي صدفة هو مكنش ليه غير اتنين صحابه والاتنين مسافرين بره مصر، فاستغربت ساعتها وقررت في مرة أنزل وراه ولقيته دخل بيت في الشارع عندهم وطلعت بيتهم وقفت في البلكونة وهو نازل لقيت في واحدة طلعت البلكونة بتبص عليه».
واختتمت ولاء «قررت أني أشوف ايه اللي بيحصل وأفهم وفي مرة طلع البيت ده وطلعت وراه بتسحب وأول ما دخل الشقة اللي في نفس الدور، نزلت جريت ومقدرتش حتى أني اخبط عليها وامسكه ولما رجع وروحنا البيت قولت له أنا عرفت كل حاجة مين دي وبتروحلها ليه وبعد خناقة قالي أنا كنت اعرفها وبروح بس اشوف مشكلاتها واحلها لكن مش بعمل حاجة وطلبت منه الانفصال ولما رفض روحت رفعت قضية خلع عليه».
