مهما كان القرار.. خالد الغندور يوجه رسالة لجمهور الزمالك

وجه خالد الغندور لاعب الزمالك السابق، رسالة نارية لجمهور القلعة البيضاء، عبر حسابه بموقع التواصل الاجتماعي فيسبوك.

وكتب خالد الغندور: مهما كان قرار الادارة سليم او غلط الاهم دلوقتي ان كل الزملكاوية يدعموا مجلس الإدارة واللاعبين عشان نفتح القيد ونبني فريق قوي قادر علي المنافسة في كل البطولات وده الاهم في المرحلة المقبلة.

علي الجانب الآخر حل أحمد سالم المتحدث الرسمي لنادي الزمالك ضيفا على قناة أون تايم سبورتس، وتحدث عن أزمة الاعتذار عن عدم مباراة الأهلي، وسبب لعب مباراة سيراميكا كليوباترا.

وقال أحمد سالم: "الزمالك قبل كده لما قال مش هلعب السوبر مخدش حاجه بعدها وقبل كده مباراة مصر المقاصة مخدش حاجه بعدها، لكن المره دي اخدنا مطالبنا الفتره الجايه".

وتابع: هل موضوع إنه ميتلعبش الدور الأول؟ يستحق اننا ننسحب من الدوري؟ وفي مطالب أخرى خدناها؟.

واستكمل: لحد مباراة الأهلي ماخدناش تأكيدا على مطالبنا، وكنا هنلعب لو اتحققت لكن محصلش ده وجدول الدوري أعلن بعدها وكذلك تحويل الحكام للتحقيق وغيرها.

وأضاف: كنا نتمنى نلعب مباراة الأهلي، ليه منلعبوش دي أهم مباراة في السنة كلها.