كشف الفنان عمرو عبد العزيز، عن أول مقابلة بينه وبين الزعيم عادل إمام، وسر مشاركته في عمل فني بعد ذلك.

وأضاف عمرو عبد العزيز خلال لقائه ببرنامج "صاحبة السعادة" الذى تقدمه الفنانة والإعلامية إسعاد يونس،على قناة dmc،: "قابلت الفنان عادل إمام بالصدفة بعد انتهائي من مسرحية وخرجت علشان أروح وأنا واقف فى الشارع وقفت قدامى عربية وظهرت منها إيد بتشاورلى وفذهبت لقيت عادل إمام فقال لى: "إنت واقف فى الشارع بتعمل إيه دلوقتى وبعدها قال لى هجيبك فى عمل معايا قريب".

وتابع عمرو عبد العزيز: "أنا من الفرحة روّحت مشى على رجليا وقلت لأمى: "مش أنا قابلت عادل إمام فى الشارع".

وتابع عبدالعزيزأنا قعدت فى المكتب مع عادل إمام ساعتين وقال لى أنا بعمل فيلم عن الجامعة وشباب الجامعة اسمه "مرجان أحمد مرجان" ليك دور عندى لطيف تعمله؟ فقلت له طبعاً يا أستاذ، وقال لى مبروك توكل على الله، وبعد أسبوعين شاركت فى الفيلم، وآخر يوم فى الفيلم عيطنا علشان مش هنشوف الزعيم تانى".

ولفت عبد العزيز إلى أن عادل إمام كان بيحب حالة الشباب فى الجامعة بالفيلم، وكان بياكل معانا ويقعد معانا على الأرض، موضحا أنه بيحب أكل العسلية الكور".