نشرت ابنة الفنان الراحل سامى العدل تعليقا عبر صفحتها على موقع التواصل الاجتماعى فيسبوك تكشف فيه تفاصيل تعرضها إلى وعكة صحية.

وقالت ابنة سامى العدل : بوست توضيحي علشان مش ملاحقة أرد على كل الناس غصب عني سامحوني.. يوم الخميس صحيت بألم فظيع في صدرى ذراعي وإحساس بالشلل فعليًا وشبه قاطعة نفس وفجأة جالي هبوط ووقعت ضغط 70/40 وتم نقلي إلى مستشفى في وضع شديد الخطورة منها بـ إسعاف مجهز إلى مستشفى تخصص قلب حالتي شبه ميؤوس منها.

[[system-code:ad:autoads]]

وأضافت ابنة سامى العدل : جلطة مكتملة في جدار القلب وسدد كامل في الشريان التاجي الأيمن، وتم إبلاغ أمي وبنتي إني هموت في خلال الساعة حرفيًا مش بهزر وسمعت بودني، ابتديت اتشاهد وأقرأ كل القرآن اللي حفظاه، خايفة، لكن راضية بمشيئة ربنا وبمعجزة من ربنا سبحانه وتعالى كتبلي عمر جديد، والشريان التاجي فجأة فتح نسبة 1% اللي هي لا تُذكر أصلًا كانت سبب أني أعيش وكل الدكاترة بالإجماع استغربوا من حالتي في سني ده.

[[system-code:ad:autoads]]

ابنة سامى العدل

وأوضحت ابنة سامي العدل: مؤخرًا أنا اتحطيت تحت ضغوطات كتير صعبة ومؤلمة من وفاة أخويا الصغير لـ غربتي في دبي لـ خسارة شغلي لـ مشاكل عائلية وشخصية لـ اكتئاب حاد وكتمت جوايا فوق احتمالي، ومن هنا أحب أقول لكم أن الإنسان ضعيف قوي وهش مفيش حاجة تستاهل وربنا لا يوريكم اللي أنا شوفته أبدًا لا فيكم ولا في حد بتحبوه.. في الأيام المفترجة دي أتمنى الناس اللي بتحبني تدعي لي لأني في قمة اكتئابي وبـ أمر بفترة موجعة جدًا في حياتي من كل النواحي.

وأشارت ابنة سامى العدل : شكرًا لكل الناس اللي وقفت جمبي واتخضوا عليا على رأسهم أمي وولادي، عمي محمد روح قلبي اللي حضر في التو واللحظة وشوفت خوفه وخضته عليا في عينيه، عمي جمال رغم وجوده خارج مصر كان متابع ثانية بـ ثانية، عمي مدحت ووجع قلبه عليا، عمتي أغلى إنسانة في الدنيا على قلبي وحتة مني عمي رمزي الجميل، والد ابنتي الأصيل إيهاب طبوزادة اللي جيه على ملا وشه من السفر مخصوص، أخويا خالد والدته ماجدة نورالدين وخطيبته هنا.. ولاد وبنات ومراتات عمامي كلهم طبعًا.

وأخير قالت ابنة سامى العدل : مقدرش اتجاهل أبدًا نقيبي دكتور أشرف زكي أخويا وصديقي اللي قلب الدنيا علشان ينقذني في أسرع وقت ممكن، ومنير مكرم اللي كان أول واحد يحضر علشان ينقلني للمستشفى المناسبة لحالتي.