70 %؜ من المشجعين.. ناقد رياضي يصدم ميدو بعد حلقته مع إبراهيم فايق

علق الناقد الرياضي خالد طلعت علي تصريحات ميدو مع ابراهيم فايق في برنامج الكرة مع فايق .

وكتب طلعت من خلال حسابه على فيس بوك:" اتفرجت امبارح على حلقة مهندس عدلي القيعي وميدو مع إبراهيم فايق.

مش عارف ميدو معترض ليه على نسبة جمهور الزمالك لجمهور الأهلي !!

وتابع :" الموضوع مش محتاج احصائية ولا مؤسسات ، الموضوع واضح جدا للزملكاوية قبل الاهلاوية بس مش عارف ليه هما بينكروا ده

وأضاف :" نسبة الاهلاوية من مشجعي الكورة تقريبا من 70 % الى 75 % ونسبة الزملكاوية من 25 % لـ 30 %

اشار الي :" شوفها كده على اي مكان ، فصل في مدرسة ، سيكشن في جامعه ، زمايل في شغل ، ناس على القهوة ، فنانين ، تقريبا كده هتلاقي كل 3 اهلاوية قدامهم 1 زملكاوي

وتابع :" الموضوع زي البطولات كده مينفعش حد ينكر ان الاهلي واخد الدوري تقريبا 3 اضعاف الزمالك وواخد بطولات افريقيا تقريبا ضعف الزمالك

الارقام مينفعش حد ينكرها وكون جمهور الزمالك اقل من جمهور الاهلي ده مفيهوش اي اساءة او اهانة او تقليل منهم