تفاصيل قضية طبيب تجميل أكتوبر المتهم بمواقعه شقيقة زوجته، كشفتها حيثيات المحكمة حيث تضمنت الحيثيات أقوال الفتاة المجني عليها والتي كشفت ما حدث معها.

نص أقوال ضحية طبيب تجميل أكتوبر

وقالت ضحية طبيب تجميل أكتوبر - زوج شقيقتها - يوم 25 يوليو كنت موجودة في أوضة النوم في شقة أختي سارة في هرم سيتي بتفرج على التلفزيون وجوزها استغل انها نزلت تشتري حاجات من السوق ودخل عليا الأوضة ومسك إيدي وكان معاه آلة حادة وهددني بيها، وأجبرني أني أخلع البنطلون وبعدها مارس معايا علاقة ونزفت.

وتابعت ضحية زوج شقيقتها طبيب تجميل اكتوبر، كنت بحاول مقاومته لكن هو مكنش ساكت وكان بيضربني، وقال بعدها لو قولتي لحد هحبس أمك وابوكي ولبست هدومي ومقولتش لحد حاجة وتاني يوم أختى نزلت من الشقة وكرر الموضوع معايا تاني وبعدها أداني حقنة معرفش بتاعت أيه.

وأكملت ضحية طبيب تجميل اكتوبر، لما أختي رجعت شافت الحقنة في الزبالة وسألتني إيه دي، قولت لها على اللي حصل معايا ومشينا روحنا بيت ماما، وقعدنا في شقة جدتي وبعدها جه هو وانا كنت بشتري حاجات من الصيدلية وشدني من ايدي وركبني العربية بتاعتها وخدني شقة في الحصري.

واستكملت ضحية طبيب تجميل أكتوبر، كان بيحط لي الأكل ويسيبني ويمشي ويرجع يمارس معايا العلاقة لحد في يوم ما خرج وأنا اتأكدت أنه مش موجود وصرخت من الشباك والناس كسرت الشقة وجابوا الشرطة واتصلوا بماما وبعدها عرفوا اللي حصل معايا.

حيث أودعت الدائرة 36 بمحكمة جنايات الجيزة برئاسة المستشار صفاء الدين أباظة وعضوية المستشارين خالد أحمد زكي وأحمد مختار محمد، وسكرتارية شنودة فوزي حيثيات الحكم بإعدام مصطفى سيد طبيب تجميل أكتوبر.

وتابعت المحكمة في الحيثيات، أن وقائع الدعوى حسبما استقتها المحكمة من مطالعة سائر أوراقها والتحقيقات التي تمت فيها تتحصل في أنه في يوليو 2023 استغل المتهم حداثة سن المجني عليها ووجودها وحيدة بالمنزل أثر نزول شقيقتها للسوق ودخل عليها الغرفة وامسكها من يدها وكان معه آلة حادة هددها بها لتخلع ملابسها.

ثم قام بمواقعتها كرها عنها وعندما كانت تحاول مقاومته وإبعاده عنها كان يتعدى عليها بالضرب وما أن انتهى هددها بأنها لو اخبرت أحد بفعلته سيحبسها هي وأمها وأبوها فارتدت ملابسها ولم تخبر اختها بشيء وانصرف وفي اليوم التالي ما أن نزلت شقيقتها من الشقة وحال وجود الفتاة في غرفة الأطفال دخل عليها الغرفة وواقعها كرها عنها.