كشفت الفنانة أميرة هاني عن تعرضها للإهانة من جانب سائق شركة أوبر، مساء أمس الثلاثاء، بعد أن تطاول عليها لمجرد سؤالها له على شات التطبيق عن الوقت المتبقي للوصول إليها.

وأوضحت أميرة هاني، في مداخلة هاتفية، مع الإعلامية نهال طايل ببرنامج تفاصيل، المذاع عبر قناة صدى البلد 2، قائلة: «أنا مبقحمش حياتي الخاصة أو مشاكلي الخاصة على السوشيال ميديا، لكن الراجل ده استفزني لدرجة كبيرة».

[[system-code:ad:autoads]]

وأضافت أميرة هاني قائلة: «إحنا عندنا ست بتساعدنا في أعمال البيت، وكل أسبوع بطلب لها أوبر بيجي ياخدها مشوار 10 دقائق وبياخد 50 جنيه، وبيوصلها لحتة تقدر تركب منها مواصلات، امبارح كان يوم غريب على الابلكيشن بتاع أوبر نفسه، لكني فوجئت أنه بيكنسل الرحلات، وفي واحد قبل الراجل ده قالي أنا تحت وأنا شايفاه على الـ GPS أنه مش تحت، وكلمته قالي كلام غريب ولغى الرحلة وعمل غرامة عليا».

[[system-code:ad:autoads]]

وأشارت أميرة هاني قائلة: «وعملت رحلة بعدها وكانت مدياني 10 دقائق ويبقى عندي، وكلمته على الشات حضرتك إحنا عند بوابة كذا، حضرتك فين؟، مردش فطلبت منه إلغاء الرحلة أنت بقالك 10 دقائق في مكانك مابتتحركش، فهو قرر أنه يتطاول عليا ويهزأني، بعد 20 دقيقة والست واقفة».

وقالت أميرة هاني، أنها تقدمت بشكوى لشركة أوبر بعد حدوث الواقعة مساء أمس الثلاثاء، وقام أحد الموظفين بالمتابعة معها صباح اليوم الأربعاء، وطلب منها اخباره بما حدث من السائق، قائلة: «كلمني النهاردة الصبح، واحد من الشركة وقالي قوليلنا ايه اللي حصل بالظبط، فبعتله اسكرين شوت لأني مش محتاجة أحكي اللي حصل مردوش بقى».

وطالبت أميرة هاني في نهاية المداخلة التليفونية، شركة أوبر أن تجري اختبار مخدرات للسائقين المنضمين لها، واختبار أخلاقهم أيضًا.