قال الدكتور عمرو الورداني، أمين الفتوى مدير مركز الإرشاد الزواجي بدار الإفتاء المصرية، إن هناك 7 صفات لو موجودة فى الرجل سيصبح بطل للمرأة وهم: "الزوج الساعي والحامي والحمّال والغيّور والصبور والقائد بحكمة أو بحنّية".

وأوضح أمين الفتوى مدير مركز الإرشاد الزواجي بدار الإفتاء المصرية: "مفيش زوجة حتى لو زوجها عنده مال قارون إنه لا يعمل، الزوجة تفهم إن السعي جزء من الأمان ويحسسها برجولة الرجل، لو حصل مشكلة مالية هتهدد في إخلاقها، لكن لو فى سعي هيكون فى أمام لذلك أوجب الشرع على الرجل النفقة".

وأَضاف: "كمان الزوجة تحب الزوج الحامي الذى يحيمها هى المرأة كده تحب من يحميها حتى من نفسه، تلاقى الست برضوا تعمل اختبارات كده تشوف زوجها هيتعصب عليها إزاى هل عنده عنف أو خلافه، وكمان يحميها من أهله وأهلها فى حال من الأحوال، وتلاقيها تزعل لما يشتكيها لأهلها فهذا بيحسسها بعدم الأمان".